JEREMIYA 8:14 - Sumi Naga CL (Re-edited) Bible (BSI)

¹⁴ Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

BAIBEL (BSI)

¹⁴ Alhou wu timiqono ishi iniju, “Ninguye kushiye inaqhoi iqa ani kya? ighilo, ningu aliwo putupuakeu phughiqolo posu wuni eno tilano thinike. AMPEU niLhou no thipe nikeu shi nishou kughathavae; ninguno pa shou axine shike ghenguno pano nipelo yepenike tughuzu tsuke.

JEREMIYA 8:14 Referans Kwoze

JEREMIYA 23:15

Ikehu aqokitikhi MPEU no tungkupmi vilo ishi piani: “I no khumtsai keu chuqupu pesü panongu lojini eno tüghü zü pesü ye penike panongu piyeni, kughengu Jerusalem tungkupmi launo Alhou kümtha khuaye ayeghi kümtsü lo wuvae.”

JEREMIYA 9:15

Tighenguno Israel Lhou, aqokitikhi MPEU no ishi piani: Julo, I no khumtsai keu chuqupu pesü timi hipaqo lojini, eno tüghü zü pesü panongu piyeni.

AKUMLO 3:19

I ghime eno Iw kupokiche, kukhukimji eno mijimlai keu kümsülu tsülo!

JEREMIYA 35:11

Ikemu Babylon kükau Nebuchadnezzar no ayeghi lenike ighi kelo ningu no pi, ‘Ighilo, ningu Chaldeami eno Syria ghüshimi kümsa ghenguno Jerusalem lo wuveni.’ Ikehu ningu ye Jerusalem lo xüani.”

MATTHEW 27:34

pa pelo sho penike atsaiji gholo akukhu lekiteve keu pesü pa tsü kemu pa no micheju no yemove.

LESHELE 69:21

Achuqupu theli lo tüghü I tsü, eno I tüghü lo panongu no akiqhi ji sho peniye I tsüe.

SAMUEL AKINIU 20:6

David no Abishai vilo pi, “Bikhri nu Sheba ye Absalom nguno alau ningu ghüza niye ani. O mpeu qemiqo sasü pa hawulo, tikumo aye pa ye aliwo akeu phughi lo ilove no ningu launo pokave nosae.”

ZAKINIU 29:18

Tigheno tsükhüi lo, tikumo aye nongu dolo kiptimi totimi na, alagha ashiaye namu khami no Ampeu launo tsüghüve no shiye tipaqo lhou mllauve nosa, eno nongu dolo tüghükupu eno khumtsai ke xathi pithi kepu sü kuhu aghi nosake tsükhüi lo.

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

AMUS 6:10

Eno kughou akithiu limi no akumo nuve no shiqhove tsünike ighini keno, pa no aki lono akumo peipeghi no aki alou lo akeu vilo iniju nani, “O gholo khuana aphi keshea?” Pa no pi nani, “Moe”; tileno pa no pi nani, “Inaqhoive lo! Ningu ye Ampeu je kukepu kumoe.”

JEREMIYA 14:20

O Ampeu, nino niw kixikila eno ni puasüqo xine piphe ani, kughengu ningu ye O shou axine shivae.

LESHELE 39:2

I no atsa pimove no inaqhoive; tshamla namu I no kutuu ngoe, ikemu I ghime alau shikitheve.

ZAKINIU 32:32

Pano tsaizü ye Sodom ngo Gomorrah tsaibo lono ighie; pano tsaithi ye tüghü tsaithi, eno pano tsaibo ye khumtsai ke.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 9:14

ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.