JEREMIYA 6:21 - Sumi Naga CL (Re-edited) Bible (BSI)

²¹ Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

BAIBEL (BSI)

²¹ Ikehu ino timi hipaqo pelo kupuxalupe eno veqhipe nani. Apunoqo ngo anuliqono thive nani, tihutoi shompami ngo akisughumi ghi thi nani.”

JEREMIYA 6:21 Referans Kwoze

ISAIAH 8:14

Pa ye akimthe-a, ikemu Israel ngo Judah ghenguno küpxa kepu tu, apukhu küpsüpu tuqu ghike, eno Jerusalem lo küami ghenguno alichhe lakhie.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

Rommi 11:9

David ghi hitoi pi, “Pano ghulhu lüpa huno alichhe ilhouve pelo, tino pano ghenguno aqo shive no aghimepu shipelo;

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

ACHINE 26:37

Khunomu hachemo keghi azütakikihi zülo poche keshi lakhino lakhi shou küpxa nani. Nongu ye aghümi puqhelu kepu küha nani.

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

JEREMIYA 18:23

Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

ISAIAH 8:15

Kutomo no küpxa luni cheni. Panongu ye veqhi iqi kütsave nani; panongu ye meluve no kügha pewuve nani.”