JEREMIYA 6:19 - Sumi Naga CL (Re-edited) Bible (BSI)

¹⁹ O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

BAIBEL (BSI)

¹⁹ Ayeghi, inilo! Julo, ino timi hipaqo shou alhoksapu sughini cheni tiye panoqo wu muqumugha ghenguno, kughengu panonguye ino kutsukeu peveke eno itsa papelumoke.

JEREMIYA 6:19 Referans Kwoze

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

Apostolmi 8:22

Tighenguno o lhoksa hipau lono xaidelo, eno Ampeu vilo shikulupu shi aye o mlo lo kümsüpu akeu kipimi qhivetsü penike inikhu lo.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 8:9

Alokütsümi ye shikukujo nani; panongu ye aghüthisüve no meluve nani; julo, panongu no Ampeu tsa milivae, tishiaye panongu gholo kiu lokütsü ani kea?

John 12:48

I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

MICAH 6:2

Nongu naghutoqo eno ayeghi boqhaqo Ampeu no nguku keu inilo, kughengu Ampeu ye Paw timi shou nguku ani, eno Pa ye Israel sasü kütsala nani.

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

JEREMIYA 22:29

O ayeghi, ayeghi, ayeghi, Ampeu tsa inilo!

JEREMIYA 6:10

Ni ye khuno vilo pini eno ghutuni kea? Khunono I tsa chilu tsüni kea? Julo, panongu kini ye ipovae, panongu ye chimla nani; pano ghenguno Ampeu tsa ye atichepu lakhie; pano ye tipau lo azüküvü kühae.

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

AHOLE 15:26

Kixikilami kükümsü ye Ampeu no aphimqhü cheni, ikemu küpüqhiyi keu tsa ye Pa lokiqipue.

SAMUEL ATUGHIU 15:26

Samuel no pi, “Ni ye o gholo idewo moae. Kughengu nono Ampeu tsa milivae, eno Pa ghi nono Israel kükau shi akeu milivae.”

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

ZAKINIU 32:1

“O kungugha, I no atsa pinike inilo, eno ayeghi ghi I tsa inilo.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

JEREMIYA 6:18

Tighenguno inilo, O shiyeqo, O thopimi, panongu lau kiu shive nani keno ithilo.

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 19:3

Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

JEREMIYA 29:19

kughengu panongu no I tsa lo amlo tsümoke, Ampeu no sheshu, I no tamono I qemi tungkupmi puwue, ikeghi nongu no initsü moe, ipi Ampeu no sheshu.’

JEREMIYA 49:37

Elammi mjoche kemi eno pano küxü phuche kemi zülono I no panoqo kütsaqhi nani. I xukighide lono I no Elammi kütsale nani eno panoqo pühave moke kutolo panoqo shou azütakikihi puwu nani.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

MICAH 1:2

Inilo, nongu ashiaye kümtsü; amlo tsüqhiyilo, O ayeghi, eno tile akeqo kümtsü, Ampeu Alhou pelo Pa kimthe chineki lono nongu shou thopi shipelo.

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

JEREMIYA 4:16

Pa ye cheni pi Shiyeqo kütülo; Jerusalem lau asheshu lo, “Putou yeghi lono leni kemi cheni; panongu no Judah phughiqo shou aghüleku ani.

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.