JEREMIYA 6:10 - Sumi Naga CL (Re-edited) Bible (BSI)

¹⁰ Ni ye khuno vilo pini eno ghutuni kea? Khunono I tsa chilu tsüni kea? Julo, panongu kini ye ipovae, panongu ye chimla nani; pano ghenguno Ampeu tsa ye atichepu lakhie; pano ye tipau lo azüküvü kühae.

BAIBEL (BSI)

¹⁰ Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

JEREMIYA 6:10 Referans Kwoze

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

ISAIAH 53:1

Ni launo chilu keu khuu no pülü kea? Eno Alhou u khuu piye kea?

IPEKULU 6:12

Ikemu Moses no Ampeu vilo pi, “Julo, ni ye atsa düdüshi piche kemi, eno Israelmi thotsü I tsa initsü moke kishino Pharaoh no ini tsüni kea?”

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Rommi 7:22

Kughengu I mlo alouno ni ye Alhou Yezah lo I züküvü acheni,

Apostolmi 7:60

Pa no qhoqhünhe pesü asütsa kuloghi lono ighamku, “Ampeu, hipau xine panongu shou betsü kevilo.” Hi pive no pa ye zühuve.

John 9:40

Pa phivilo Phariseemi khami akeqo no hipau chilu no iniju, “Ningu ghi anhethi icheve akeshea?”

Luke 20:19

Ayezah shikükami ngo achinetomi no Jisü ye panoqo küla ghi kimghikipiye hipau pie pi vethalu keu lono tipa tüqhüdo lono pa küghaluve niye shiju kemu aqokitikhi msave.

Luke 11:45

Ayezah shikükami lakhi no pa vilo pi, “Shikükau, nono atsa hipaqo pikeu lo ninguu ghi thoghave ani.”

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

AMUS 7:10

Tileno Bethel lo achineu Amaziah no Israel kükau Jeroboam lau ishi asütsa puwu, “Amos ye Israel lo akemi zülono o shou küsüqe ani. Aghakhu ye pa tsapi puqhelu movae.

EZEKEL 33:9

Ikemu nono kixikilau pelo pa laghi lono tsüghülu peniye ghutu kemu pa no pa laghi lono tsüghü move aye, timi tipau ye pa kipimi lono thive nani, ikemu no ye o ngulho xaluve nani.

EZEKEL 33:3

tsala pa no azütakikihi ayeghi lo cheghi keu ithulu no afuko küigha eno timiqo ghutu aye,

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

LESHELE 119:174

O Ampeu, ni ye Ow xakulu khekulho shi ani, eno O yezah ye I züküvü ke.

LESHELE 119:77

Ow kimiyekini I shou ikughi pelo, tishiaye ni ye xülu nani; kughengu O yezah ye I züküvüpu ke.

LESHELE 119:70

pano mlo ye vethakulu kühae ikemu ni ye O yezah lo I züvülu cheni.

LESHELE 119:35

O zakütsü laghiqo lo I sachelo, kughengu ni ye tipau lono I züvülu cheni.

LESHELE 119:24

O kükütsüqo ye I züküvüpu; tipaqo ye mijekütsümi ke.

LESHELE 119:16

Ni ye O kükütsü tsa lo azüküvü shi nani; ni ye O tsa kümsümave monani.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

LESHELE 1:2

pa lokiqipu ye Ampeu Yezah lo ani, pa ye putho pucho Pa Yezah lo kümsüputho cheni.

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

JEREMIYA 9:26

Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

ISAIAH 42:20

Pa ye thime kutomo ithulu cheni kemu chheju chemoe; pa kini ye xukhope ani kemu chilu chemoe.

JEREMIYA 7:13

Itehi ye, nongu no hi kümtsü shive kehu, Ampeu no asheshu, I no tamo mithe nongu vilo pi kemu nongu no ini tsümoe, eno nongu ku kemu nongu no khochile moe,

JEREMIYA 35:13

“Israel Lhou, aqokitikhi MPEU no ishi piani: Wuno Judah ngo Jerusalem lo küxümi vilo pilo, Nongu ye I kükütsu tsaqo ini moni keshea? Ampeu no asheshu.

EZEKEL 3:7

Ikemu Israel laghami ye o tsa inini ke pulomo nani, kughengu panongu ye I tsa inini ke pulomoe: kughengu Israel laghami ye kümtsü no kuthovi eno amlo mkake.