JEREMIYA 50:26 - Sumi Naga CL (Re-edited) Bible (BSI)

²⁶ Aqha kümtsü lono li leighilo; eno li biale hepho ilolo; li pesü athi toi xukumqo pe amoqhe no kütsale lo; kiumu qhitsü kevilo.

BAIBEL (BSI)

²⁶ Aqha kumtsu lono tipau le ighilo eno tipaulo athi pekutsu puakeu alo hepho ilolo! Tinhemgha sunhe kishelu keu jeli kumtsu athi xukumqoke toi, xukumqolo! Aghasaqha kutsalevelo! Kiumu qhitsu kevilo!

JEREMIYA 50:26 Referans Kwoze

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

JEREMIYA 50:10

Chaldea ye xüleve nani; khunono tipau xüleni keno panongu ye aghapiqilu nani, ipi Ampeu no sheshu.

ISAIAH 45:3

I no zümoike-a lo kinikülü achekeu o tsü nani eno tuqhou-a lono akughupu nhemgha o tsü nani, tishikeu lono Ni ye Ampeu kepi nono ithi nani, eno Israel Lhou no o je kughi o kulu kepi ithi nani.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 14:19

Ikehu kungumi huno aqha kümtsü lo pa yevü peithathu, eno ayeghi lo atsaithi ghile lupusü atsaithi kütsüghü bohu kije lo Alhou loghu ikughi peniye vesüve.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

JEREMIYA 51:64

eno ishi pilo, ‘Babylon ye hitoi pütsüqhive nani, I no li shou kütsakungo süghi niye akeu ghenguno eno ithughi move nani eno panongu kümtsü püghave nani.’” Jeremiah tsa hileno kishekhave ani.

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 50:41

“Julo, ahuu no ashiaye cheni; aghacheu no akumto shiye eno kükami kutomo akemi cheni.

JEREMIYA 50:23

Ayeghi yihesü ye kishita ikiqive no kuboleve kelae! Babylon ye kishi shiyeqo zülo jukümsapu shive akelae!

JEREMIYA 50:15

Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

JEREMIYA 50:13

Ampeu loghu ghenguno tile küghüna move nani ikemu ixapinyi qhive nani; ti kathawu kemi no thüghüi eno aghüzaku jukünatha nani.

ISAIAH 25:10

Kughengu Ampeu u no hipau naghuto khe anani, ikemu Moab ye tübatüzü lono aghijini qoda keshi pa-a lono qodave nani.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 5:26

Pa no aghacheu shiyeqo lau amchipu pesü kihi kunani, eno ayeghi shekhau no miji panoqo ku kelo julo, panoqo no paikhavi no ighive nani!

MATTHEW 6:26

Atsütsü lo aghauqo julo: tipaqo ye apiti yisü chemo keke ghile huchemo momu ale lo pekütsü chemoe, ikeghi kungugha lo nongu Papu no tipaqo loji cheni. Nongu ye aghauqo nguno ameküapu kekumo?