JEREMIYA 5:9 - Sumi Naga CL (Re-edited) Bible (BSI)

⁹ Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

BAIBEL (BSI)

⁹ Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

JEREMIYA 5:9 Referans Kwoze

JEREMIYA 9:9

Hi ghenguno Ni ye panongu ghime moni keo? Shiye hitoi keu shou amkhü lumoni keshea? ipi Ampeu no sheshu.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

EZEKEL 7:9

Eno I nhethi ye nongu juzüvemo nani momu Ni ye amlosa qhiyi monani. Aphikümqhüpu no nongu gholo aphi lono I no nongu kümla ghenguno nongu ghime nani. Tileno nongu no Ni ye Ampeu nongu ghimeqhi keu kepi ithi nani.

AKUMLO 4:22

O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

ISAIAH 57:6

Akhila lo atumloqo no nongu saje ke; tipaqo shou no nongu no asaqhi cheni; tipaqo lau nongu no shokepu kümllagho ngo athi kümllagho pesü tsüke. Ni ye hipaqo shou aloqini keshea?

JEREMIYA 5:10

“Li tsaibo ajoshi akeu lo wuno kütsaleve lo, ikemu kishekhave tsü kevilo; li lokaqo kixive lo, kughengu panongu ye AMPEUw kumoe.

JEREMIYA 32:31

Mishighüna hipau ye shiqheke tsala lono ishi kutolo I mlokighide eno aloghu xukutho tsüe, tighenguno I no I zülono ikhive nani,

AKUMLO 3:42

“Ningu no axine shive no hebidevae, eno Nono akipimi qhitsü movae.

ACHINE 18:25

eno ayeghi shikitiqeve ke, tishi kehu tipau xine ghenguno I no ghimeqhi eno ayeghi no tile küxümi puquleve ke.

AHOLE 6:29

Tihutoi timi khuu no kütami nipu sasü züveni keno, li shipüthave ke lame pa ye aghime pumove mlae.

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 9:8

Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.