JEREMIYA 5:3 - Sumi Naga CL (Re-edited) Bible (BSI)

³ O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

BAIBEL (BSI)

³ Kuchouno AMPEU ye amikucho shikeu phuju cheni. Pano nongu kuzaqhi ikemu nonguye amloksa kuhae; Pano nongu chinedaqhi kemu nonguno shikithetsu keu ikhilu tsumoe. Nonguye kuthovilo kemiqoke eno nongu xine launo tsughusu wuvemoe.

JEREMIYA 5:3 Referans Kwoze

JEREMIYA 7:28

Nono panongu vilo pi nani, ‘Shiye hipau ye pano MPEU Alhou gholu move, eno sakiyi keu ikhilutsü move; kuchou hu pühave; ti ye panongu mütsü lono ikhive.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

IBRIMI 12:9

Itaghi, ayeghilo ningu papuqo no ni sakiyi qoputhu no nino panoqo qhoqhü cheni. Tishiaye, ningu ye tinguno alau anguaghalo Papu qhoqhü moni keshea?

Rommi 2:2

Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani.

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

ISAIAH 48:4

Kughengu nongu ye kishi kuthovi keno I no ithi ani, nongu kuo ye ayikichhe toi nongu kishe no alazayi toike,

AHOLE 27:22

Mbomzümi ye apikhi lo süno akhumu no athi gholono shesü anamu pa nikha pa qhivemo nani.

AHOLE 23:35

Nono pi nani: “Timi no I heqhi kemu ni ye izamoe, ikemu ni ye kiumu ithi move. Ni ye kughou no atsüveshe lunani kea? Itaghi kümqa lakhi shomasa ani.”

AHOLE 22:12

Ampeu nhethi ye akighithi shou jupuku acheni, ikemu Pa ye kimkimi tsa hasüve tsü cheni.

AHOLE 21:29

Akümzümi ye pa ghili kümsü kutoju cheni ikemu kixikilami ye ithi ake ghilishi teqhitelei acheni.

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

ACHINE 26:23

“Aghime hipaqo vecheo nongu no I lau ighimo no itaghi I mjochile auve aye,

KUKAMI AKINIU 1:13

Akükau no itaghi aküthüu ghüshimi lhopungu shou kepten gholo paw ghüshimi lhopungu pa lau puwu. Kepten aküthüu no iqhoghi no Elijah zülo qhoqhünhepe pa vilo pi, “O Alhouw timi, kimiyeno ni eno o qemi lhopungu küxü o nhethe lo küpüqhiyi tsülo.

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

JEREMIYA 35:13

“Israel Lhou, aqokitikhi MPEU no ishi piani: Wuno Judah ngo Jerusalem lo küxümi vilo pilo, Nongu ye I kükütsu tsaqo ini moni keshea? Ampeu no asheshu.

EZEKEL 2:4

Pano kughukoqo ghi ayekümtha eno kuthovi ke: I no panoqo lau o puwu ani, no ye panoqo vilo pilo, ‘Ampeu Alhou no ishi piani.’

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

AMUS 4:6

“Now mishighüna kümtsü lo I no ahu kimthe pesü tsüe, eno no kungo-a kümtsü lo asho küpüqü tsü keghi nongu ye I lau ideighi moe,” ipi Ampeu no pi.

BOTHUBO 19:34

Thoghiu anoghiu no ayitiu vilo pi, “Julo, iji I no I pu sasü züvae. Nikujo itiji ghi pa pelo aji shove penie. Tithiuno nono ilo pa sasü zülo, tishianguno nikujo no pa tikughuko tsünie.”

KUKAMI ATUGHIU 13:33

Hipa thiu ghi Jeroboam ye pa lhoksa laghi lono ideighi moe, ikemu timi jeli kümtsü pesü qhemghai ke-a lo achinemi shi süsüke. Khukhumu pulo aghi keu kishepe achinemi shipe.

LESHELE 51:8

I pelo alokivi ngo alokiqi chilu pelo; Nono aghi kubove tsükeqo pelo alovilu pelo.

LESHELE 55:20

I küsau no pa u pesü pa küsami mjochile; pa no paw puloshoqhi hephove.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 17:23

Ikeghi panongu ye I tsa inimo eno pano kini kughopuwo moe, eno akükütsü tsa chilu eno ikhilu moniye kuthovi auve.

JEREMIYA 44:10

Ishi kutolo panongu ye pano kuchuni mphi, I sümsa mphi, eno I no nongu eno no puasüqo tsükeu yezah pape xüchemoe.

AMUS 4:8

ikehu aphughi kini küthü lo küami no azü yenike aphughi lakhiu lo wu kemu aghapiqi lumoe; ikeghi nongu ye I lau ideighi moe,” ipi Ampeu no pi.

AMUS 4:9

“I no amülhü kushu ngo akughumho pesü nongu tsü; nongu ghutu eno atsailu kutomo, now mubuthi eno olive süboqo ye tülhaqu no külhüve; ikeghi nongu ye I lau ideighi moe,” ipi Ampeu no pi.

AMUS 4:10

“Egypt lo toi I no nongu shou püsa puwu no azütakikihi pesü now lhothemiqo pithive, eno now khurshi süxape wuve, nongu ghazü lo akumo kümna pesü nongu nigi lo sütsü; ikeghi nongu ye I lau ideighi moe,” ipi Ampeu no pi.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.