JEREMIYA 5:24 - Sumi Naga CL (Re-edited) Bible (BSI)

²⁴ Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

BAIBEL (BSI)

²⁴ Ino mutsu tsughu ngo ghixu tsutsughu nongu lau puwu keghi eno ampe atsu-tsu nongu pelo ghile hulupe kepu shikeghi nonguye igihu nikeu kumsumoke.

JEREMIYA 5:24 Referans Kwoze

LESHELE 147:8

Pa no khüngküsü pesü kungugha nhape qhi; Pa no ayeghi ghenguno tsütsüghu kutotsü; Pa no atoghiqo lo atsüni pelo thuwu lupe.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

BOTHUBO 8:22

Ayeghi no ake tivilo ghixu eno ghile, akumko eno akülü, mütsü eno süsü, tsüküvü eno tsüküzü ye ashekha shivemo nani.”

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

ZEKHARIA 10:1

Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

JOB 38:37

Achepo momu ayeghimkhu no tsatsai amqo shive kelo khuu no atsütsü lo azütughuko tukulolu, momu alokütsü lono khüngküsü kihikhalu nani kea?

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

JOB 5:10

Pa no ayeghi lo tsüghuqhitsü eno aluza lo azü puwutsü cheni;

LESHELE 65:9

Nono ayeghi xuju no ghuqhitsü; Nono tile küakini kughuko tsü; Alhou ghoki ye azü no chhitoi ani; Nono athi pesü panoqo tsü, kughengu Nono tishi kuto tsüe.

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JOB 29:23

Tsütsüghu khe akeshi panongu no I khelho eno ghixu tsütsüghu mighelu keshi ni ikhilu cheke.

JEREMIYA 10:13

Pa tsa lono atsütsü lo azü no mqhumza ighae, Pa no ayeghi shekha lono khüngküsü ipeghipe. Pa no tsütsüghu ghenguno tsütsüpha kulo, eno Paw pekükütsü ki lono amülhü saipeghi cheni.