JEREMIYA 5:15 - Sumi Naga CL (Re-edited) Bible (BSI)

¹⁵ Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

BAIBEL (BSI)

¹⁵ Israil lo akemiqo, AMPEU ye nongu leve penike ashiayeh lakhi putosuuno saghini cheni. Hiye mughachhoi keu eno mulholo shiayeh lakhike, nonguno panoqo tsa ale mthakeu shiayeh lakhike.

JEREMIYA 5:15 Referans Kwoze

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.

JEREMIYA 4:16

Pa ye cheni pi Shiyeqo kütülo; Jerusalem lau asheshu lo, “Putou yeghi lono leni kemi cheni; panongu no Judah phughiqo shou aghüleku ani.

ISAIAH 33:19

Angü angüshi nongu no mtha keu tsa kipimi ayiküsa shiaye huye nongu no ithumlave nani.

ISAIAH 28:11

Kughengu Ampeu no inaghami, paküta keu tsa kipimi vecheo Paw timiqo pütsa nani,

ISAIAH 5:26

Pa no aghacheu shiyeqo lau amchipu pesü kihi kunani, eno ayeghi shekhau no miji panoqo ku kelo julo, panoqo no paikhavi no ighive nani!

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 1:15

I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

1 Kor. 14:21

Ayezah lo yepüani, “Kütau tsa kipimi vecheo eno tüsümi tsauno I no timi hipaqo pütsa nani, ikeghi panongu ye I tsa inimo nani ipi Ampeu no pi.”

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

JEREMIYA 9:26

Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

JEREMIYA 6:22

Ampeu no ishi piani: “Julo, ahuu ghakhu lono timi mqo lakhi cheni, ayeghi sheshu lono shiye kije lakhi xukutho puthu ani.

JEREMIYA 5:11

Israel eno Judah kibo ye akümzapu shi I pishiqhivae, ipi Ampeu no asheshu.

JEREMIYA 2:26

“Küpkami lakhi küghaluve kelo shikukujo cheke toi, Israel kibo shikukujo nani: panongu, pano kükami, kijemi, achinemi eno tungkupmi,

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

ISAIAH 29:3

I no o bothasüpe aqoghe shiqhe puku no o khasüve nani.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

DANIEL 7:7

Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

BOTHUBO 11:7

Ighilo, ningu iqi no pano tsa kübangüve tsüni nolo, tishianguno panongu lakhino lakhi tsapi vetha mlave peni.”

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,

LESHELE 81:5

Kughou Pa no Egypt yeghi leighi keno tileno Pa no xaküthaza shipe Joseph tsüe. I no mthakeu tsa lakhi chilue:

ISAIAH 39:3

Tileno tungkupu Isaiah no pa lau ighi no pi, “Timi hipaqo ye khilano ighi eno kiu sütsa peighi kea?” Hezekiah no khochile, “Panongu ye aghache ghakhu Babylon lono I lau ighie.”

DANIEL 1:4

lhothemi tukutiye küha kemi, aju-aqoghe kivimi, phuithai alokütsümi, akighithi küami, akighithi vethakulumi, akükau kighiki lo puthugho luni kemi saghipe no Chaldeami tsaiko eno atsa panoqo shika peniye shie.

AMUS 6:14

“Kughengu julo, O Israelmi, nongu mjochileni keu shiye I no saputhuni,” ipi Ampeu aqokitikhi Lhou no pi; “eno panongu no Lebo-hamath lono Arabah ghokiti kutolo nongu qhasü luve nani.”

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.