JEREMIYA 48:7 - Sumi Naga CL (Re-edited) Bible (BSI)

⁷ Kughengu nono o kümla ngo o kinikülü shou pükhübe kehu no ghi leluve nani; Chemosh ye haphe sawuve nani achinemi ngo hiyampemi ghi sawuve nani.

BAIBEL (BSI)

⁷ “Muab noye okuka kumto ngo okinikulu shou pukhupe acheni; Ikemu itehiye noghi leluvepe nani; Nongu lhou Khemosh ye hapupovekeu shiuveni cheni, pa gholo sakiphemi ngo achinemiqo wuve nani.

JEREMIYA 48:7 Referans Kwoze

AKIKIHI 21:29

O Moab, no ye ahasapuae! O Chemosh, nongu ye kütsavae! No lhou no nopuqo pelo kupokichemi shive peae, eno nongaqo pelo Amorimi kükau Sihon kughumi shive peae.

JEREMIYA 49:3

“O Heshbon, mloqa lo, kughengu Ai ye pighivae! O Rabbah limiqo, ighamkulo! Yeqhiyephi pepuno aveghüzü shi poiqho poiqi mloqa lo! Kughengu Milcom ye pa chinemi ngo hiyampemi gholono haphe sawuve nani.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

LESHELE 52:7

“Alhou ijemo no pa küakini tule-pele akeu shou pükhübe, eno pa kütsakungove kepu ije wuve keu timi hu julo!”

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

JEREMIYA 48:46

O Moab, o hasapuae! Chemosh timiqo ye kütsalevae, kughengu no tianuliqo ye kügha luve no akughu lo sawuvae.

JEREMIYA 48:13

Tishino Israelmi no Bethel lhou shou pükhübe chekeu jupe kujove ketoi Moab ye Chemosh jupe kujove nani.

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’

JEREMIYA 43:12

I no Egypt lhouqo chineki lo ami süvetsü nani, Babylon kükau no pano lhouqo pitive tsüno tipaqo pewuve nani. Ambekheu no pa phimini lo axü shikimthe keshi pa no Egypt yeghi shikimtheve no iqüghai cheve nani.

JEREMIYA 13:25

Hi no o saje, I no o saje mighi phevae, Ampeu no asheshu, kughengu nono I kümsümave eno akimki shou pükhübe ke.

LESHELE 40:4

Khuu no Ampeu pükhü cheni pishikiqhi laghi lo wuvemo, aqheküzami lau idewo moni keno pano ye akümghapue.

KUKAMI ATUGHIU 11:7

Pa no Jerusalem kipelau naghuto lo Moabmiw aphikümqhüpu lhou Chemosh ngo Ammonmiw aphikümqhüpu lhou Molekh ghenguno qhemghai ke-a mlatsü.

XAKUTHAMI 11:24

No lhou Chemosh no o tsükeu yeghiu luvemo kea? Eno Ampeu ni Lhou no kiu ni tsüpüani keno, ti kümtsü ningu ye qhipüa nani.

SAMUEL AKINIU 5:21

Eno Philistiami no tile pano lhou julhoqo qhive kehu David ngo paw timiqo no tipaqo pewove.

JEREMIYA 49:4

O aküpülü kükühau totimi, no ye kushiye o khilaqo pükhüpe qheza cheni kea? Nono o küakini pükhüpe picheni, ‘Khuu no I leighi luni kea?’