JEREMIYA 44:26 - Sumi Naga CL (Re-edited) Bible (BSI)

²⁶ Tighenguno Egypt lo Judahmi akeqo kümtsü AMPEU tsa inilo: Julo, I no I je kije pesü tushoqhi ani, hinguno hilauye nongu Judahmi Egypt lo akemi milakhi pelomu ashoqhi shikelo, ‘Ampeu Alhou no xüake toi,’ ipi püamoe.

BAIBEL (BSI)

²⁶ Ikemu itehiye ni AMPEU no ije kughushu lono Ijip lo Israilmi nongu akeqo kumtsu lau achinepu shoqhi lakhi ino shiakeu inilo! Hinguno hithiuye niye nongu milakhi pelomu achine shoqhi shikeulo, ‘Xuakeu Lhou pesu ino ashoqhi shiani!’ ipi ije pesu peithapemo nanike.

JEREMIYA 44:26 Referans Kwoze

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

LESHELE 50:16

Ikemu kixikilami lau Alhou no pi: “No ye I yezah phisüni ke momu o kichi lo Iw puloshoqhi pini keu chipiu kiu ani kea?

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

AMUS 6:8

Ampeu Alhou ampi no tushoqhivae, ipi Ampeu, aqokitikhi Lhou no sheshu: “Ni ye Jacob qheküza kuchhube paw sükusho-aqo mithi, I no aphughi eno tile akemi pesü aghümi tsüve nani.”

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

IBRIMI 3:18

Eno ti hebideve kemi lau kumono Pa ye khunoqo vilo Pa kulhokiqhi-a lo ilolumo nanie pi kea?

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

AMUS 6:10

Eno kughou akithiu limi no akumo nuve no shiqhove tsünike ighini keno, pa no aki lono akumo peipeghi no aki alou lo akeu vilo iniju nani, “O gholo khuana aphi keshea?” Pa no pi nani, “Moe”; tileno pa no pi nani, “Inaqhoive lo! Ningu ye Ampeu je kukepu kumoe.”

JEREMIYA 46:18

“Akükau khuu je aqokitikhi MPEU keno xüküau no sheshu, naghutoqo gholo Tabor toi, eno azüghi phivilo Carmel toi milakhi ighi nani.

JEREMIYA 22:5

Ikemu, Ampeu no asheshu, nongu no hipa tsa gholumo aye, Ni ampi no tushoqhi ani, kükaki hipau ye pighive nani.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

ISAIAH 62:8

Ampeu no Pa u ajeu eno Pa u kumto shou no ashoqhi hitoi shivae: “Hinguno hilau ye nongu thi pesü no ghümi tsümae eno inaghami ye no tsaizü shope moae;

LESHELE 89:34

Ni ye Iw puloshoqhi hexamo nani momu I kichi lono pikeu tsa kilivemo nani.

AKIKIHI 14:28

Panoqo vilo pilo, ‘Ni Xüküau Ampeu no shuphe ani, nongu no kiu I shou pipukuve akeno I no nongu lau shitsüni:

JEREMIYA 24:8

“Ikemu Ampeu no ishi piani: Judah kükau Zedekiah, paw kijemi eno Jerusalem lo ghükulumi khunoqo ayeghi tipau lo ani keno, eno Egypt yeghi lo xü akeqo shou I no chukümlapu mubuthi toi shitsü nani.

JEREMIYA 44:24

Jeremiah no itaghi timi kümtsü eno totimi akeqo kümtsü vilo pi, “Nongu Judahmi Egypt yeghi lo akeqo, Ampeu tsa inilo.

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

JEREMIYA 44:11

“Tighenguno aqokitikhi MPEU, Israel Lhou no ishi piani: Julo, I no I xukighide nongu shou puku nani eno Judah kümtsü kütsave nani.

JEREMIYA 44:14

tishianguno Judah lo ghükulumi khunoqo Egypt lo xüuve niye ighi keno milakhimu polu pemo momu Judah lo idewoni shi anamu wopemo nani. Kupokichemi khami kumo aye panoqo gholo milakhimu idewolu monani.”

JEREMIYA 51:14

Aqokitikhi MPEU ampi no ishi ashoqhi shivae: Mtsüqheino I no tülhaqu jehi timi kutomo o lau saghi nani, panongu no nongu shou tokulu ghügha sheshu nani.