JEREMIYA 44:2 - Sumi Naga CL (Re-edited) Bible (BSI)

² “Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

BAIBEL (BSI)

² Aqokitikhi MPEU, Israil Lhou no pike, “Jerusalem ngo Juda lo taun akeqo kumtsu shou ino kutsaleve keu sughikeu nongu ampino ithuluve ake. Itehi kutolo tipaqoye ixa pinyi achephike eno khuumu tile ngomovae.

JEREMIYA 44:2 Referans Kwoze

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

AKUMLO 5:18

Zion Toghi khikhi pighive akeno tüngtüghaqo no tile iqhoiqi ani.

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 25:11

Ayeghi qhoi kütsape kümsa shive tsüni, shiye hipaqo ye ampe lhotsüni Babylon kükau huthu nani.

JEREMIYA 7:34

Judah mishighünaqo lo ngo Jerusalem laghila lo akighilhe eno alokivi sütsa, külapuu eno külaliu lokivi sütsa kishekhave tsü nani, kughengu ayeghi ye pighiveni ake.

ISAIAH 24:12

Aphughi lo küghüküghalei keu likhivae; khaghoqo no ipovae.

KUKAMI AKINIU 21:13

I no Samaria ghime keu kimghi eno Ahab kibo shou akimghi tu peitha keu pesü Jerusalem mighi nani. Timi no akhu ajukhu isü keshi, I no Jerusalem isü nani eno pishiqhope qhive nani.

JOSHUA 23:3

Nongu Lhou Ampeu no nongu ghenguno shiye hi kümtsü lau kiu shi keno nongu no ithuluvae, kughengu Ampeu nongu Lhou no nongu züqhushi aghüshi tsüke.

ZAKINIU 29:2

Moses no Israelmi kümtsü kukütsü no pi, “Ampeu no nongu zülono Egypt lo Pharaoh ngo pa qemi eno pa ghakhu shou kiu shikeno ithuluvae.

ACHINE 26:43

Ikemu aghakhu lo küami ye ti qhive paghi masa, ayeghi ye timi kühano akulho qhilu masa, eno timiqo no I khuaye ngo Iw pimheye milive ke ghenguno shikithe masae.

IPEKULU 19:4

‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

JEREMIYA 44:23

Ishi kutolo nongu shou kütsakungo hipau ighi akeu ye, nongu no kütau lhouqo lau akümllagho tsüno Ampeu shou axine shive eno Pa yezahqo papemo keu ghenguno ke.”

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

JEREMIYA 8:3

I no alhoksa kibolomi khile haleve keno tipa-a kümtsü lo ghükulumi aghi keqo ye aküxü nguno akithiu mine nani, ipi Aqokitikhi MPEU no asheshu.