JEREMIYA 43:11 - Sumi Naga CL (Re-edited) Bible (BSI)

¹¹ Pa no ighi no Egypt leluve nani, eno püsa no ghaveni kemi no püsa lono thive nani, akughu lono thini kemi no akughu, azütakikihi lono thini kemi no azütakikihi tsüve nani.

BAIBEL (BSI)

¹¹ Nebukadnezar ighi no Ijip leluve nani. Timi khunoqomi kusukini lono ahakusapushi thipe nikeu shi ani keno kusukini lono thi nani, khunoqomi ahakusapu shi akughu shipenikeu shiani keno akughumi shi sawuve nani eno khunoqomi aghukishi lono ahakusapushi thipenikeu shi ani keno aghukishi lono thi nani.

JEREMIYA 43:11 Referans Kwoze

JEREMIYA 44:13

I no azütakikihi, püqümiye, eno püsa pesü Jerusalem ghime ketoi Egypt lo xüuve kemi ghimeqhi nani,

JEREMIYA 15:2

Panongu no o vilo, ‘Ningu ye khila wuveni kea?’ ipi aye panongu vilo pilo, ‘Ampeu no ishi piani: “‘Püsa no ghaveni kemi no püsa, azütakikihi lono thini kemi no azütakikihi; püqümiye lono thini kemi no püqümiye, akughu lono thini kemi no akughu lono thi nani.’

ZEKHARIA 11:9

Tighenguno I no pi, “Ni ye nongu kheu shimoae. Kiu no thiveni ye ani keno, thive peni. Kiu no kütsaveni ye ani keno, kütsave peni. Eno khunoqo achili shini keno lakhino lakhi phiashi chuve peni.”

JEREMIYA 25:19

Egyptmi kükau Pharaoh qemi, hiyampemi eno paw timi kümtsü,

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

JOB 20:29

Alhou no kixikilami saje kuto püakeu, pa mheghi ye hike.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

JEREMIYA 25:15

Ampeu, Israel Lhou no ishi I vilo pi: “I u lono aloghu tsaiji jukhu hi ikhilulo, eno I no khuno shiye lau o puwu ani keno kümtsü no sho pelo.

JEREMIYA 42:22

Tighenguno mtsüqheino ithilo, nongu no khuno ghakhu lo wunishi ani keno, tilau no azütakikihi, püqümiye, eno püsa lono thive nani.”

EZEKEL 29:11

Khuu pukhu nomu tipau katha wumo nani, eno kiu tüghashi pukhu nomu ti katha wumo nani; ti ye ampe lhobidi ghenguno küghüna move nani.

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.