JEREMIYA 43:10 - Sumi Naga CL (Re-edited) Bible (BSI)

¹⁰ eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

BAIBEL (BSI)

¹⁰ Tipathiu panoqo vilo pilo, ni, Aqokitikhi MPEU, Israil Lhou no iqeu Babilon kukau Nebukadnezar hipa-alo saghi nani pilo, eno pano atuqu hipaqo nono qhapuakeuqo shou pa kuka lakhu qhi nani eno akukau phiki atuquqo shou xakho nani.

JEREMIYA 43:10 Referans Kwoze

JEREMIYA 1:15

I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

LESHELE 31:20

Timiqo no küsüqe akeu lono Nono panoqo pesü O chishibo qholo küghütshüve, kütsala kighe akeqo kichi launo Nono panoqo pesü Ow sükusho qholo küghütshüe.

LESHELE 27:5

Kughengu aküküpna tsala lo Pa no Pa kicheqho lo I küghütshü nani; Pa no Pa phiki qholo I peküsü nani; Pa no atuqu shou qhemghai I süqhe nani.

LESHELE 18:11

Pa no aküzü pesü Pa khonha, azü gholono aküzü kutho khüngküsü pesü Pa pushonha mlake.

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

KUKAMI ATUGHIU 20:16

Puchou Ben-hadad no pa kuphu akemi kükami shighi kini sasü apusho lono aji shomzü ake lono panongu no aphughi lono ipeghi no lethuve.

KUKAMI ATUGHIU 20:12

Kughou Ben-hadad no apusho lo kükami sasü aji sho akelono atsa hipau chilu keno, pa no paw timiqo azah tsü, “Aghü shinike kutolo.” Panongu no aphughi lenike kutove.

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

JEREMIYA 43:9

“Judah timiqo zülono atuqu hami o u lono pesü Tahpanhes lo Pharaoh kükaki kulaghi lo atumuno pesü qha püakeu la lo qhovelo,

JEREMIYA 46:13

Babylon kükau Nebuchadnezzar no Egypt kütsani ke chekeu vehu, Ampeu no tungkupu Jeremiah vilo pi:

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

JEREMIYA 49:38

I no Elam lo I kükalakhü qhinani eno pano kükau ngo hiyampemi kütsaleve nani, ipi Ampeu no sheshu.