JEREMIYA 4:22 - Sumi Naga CL (Re-edited) Bible (BSI)

²² “Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

BAIBEL (BSI)

²² AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 4:22 Referans Kwoze

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

Rommi 3:11

khunomu vethalu chemoe; milakhimu Alhou phu chemoe.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

Rommi 1:22

Alokütsümie pi pükha ghi panongu ye mbomzümi ilhouve,

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

John 16:3

Panongu no Apu mu ni mu mtha kehu hipaqo shinani.

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

ZAKINIU 32:28

“Kughengu panoqo ye mijekütsü kühakeu shiye, pano lolo alokütsü kiumu kühae.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

JEREMIYA 13:23

Ethiopiami ye pa yiko kililu momu akhighiu ngushuu ye akütsükive kililu nani keshea? Tishiaye nongu alhoaye lono alhoksa shikemi ghi kili mla nani.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

JEREMIYA 5:4

Ikehu I no pi, “Panongu ye kumlhomi; akükümsü kühae; kughengu panongu ye Ampeu pano Lhou achipiu laghi mthae.

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

SAMUEL AKINIU 13:3

Amnon no aküsau lakhi ache, pa je Jonadab, pa ye David thiküzüu Shimeah nu ke. Jonadab ye ighono mqümghami lakhi.

LESHELE 36:3

Pa kichi lono pikeu tsa ye aküküpna eno pishikiqhi; pa ye tsükhüi mlaitha eno akivi shinikeu kühavae.

LESHELE 53:4

Khunono alhoksa mla cheni keno akighithi kühae, khuu no ashopa chu aketoi Iw timi tsakhave eno Alhou vilo inikhu move kea?

LESHELE 82:5

Panongu ye akighithi mu vethakulu mu kühae, panongu ye aküzü lo checheni; ayeghi boqha kümtsü süküghüthavae.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

JEREMIYA 4:21

Khitohi ni ye michiphi ithulu eno afuko ghügha chiluni kea?

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

EZEKEL 16:30

“Ampeu Alhou no asheshu, o mlo ye kishita sü ani kela, kughengu akukujo küküha kütüqhaliu kümla hi kümtsü nono shivae,

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

BOTHUBO 39:16

Tishino li no pa mpeu ighi moke kutolo pa phiküzü qhiluve,

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

AHOLE 28:5

Alhoksami ye kuchou xakütha vethalu chemoe, ikemu khunono Ampeu phucheni keno qhoi ithitoi ani.

JEREMIYA 9:2

Asayeqha lo kicheghüzümi kungoki I no aghike aye, ni ye Iw timiqo qhive no tilau wuveni cheke! Kughengu panongu kümtsü küsalhami, pishikiqhi lojimi.

JEREMIYA 9:5

Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.