JEREMIYA 4:11 - Sumi Naga CL (Re-edited) Bible (BSI)

¹¹ Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

BAIBEL (BSI)

¹¹ Jerusalem lo akemiqo vilo asayeqha kudauno pitipuzaqhi keu mulhu panoqo shou mulhu wocheni kepi pinikeu ghuloki wocheni.Tiye amu-u likhi fusu wuvekeu mulhu kumtsha kumo nani.

JEREMIYA 4:11 Referans Kwoze

HOSIYA 13:15

Pa no pa thiküzümi gholo miniboi aghi namu, kipela mülhü, Ampeu mülhü, no yenguyike-a lono ighi nani, eno pa züpuki ngo azükikhe ye qhaive tsü nani; tino pa kinibo lono akughupu thime kümtsü pewuve nani.

EZEKEL 17:10

Julo, ti ye shosüvae; ti ye thuwulu nani keshea? Kughou kipela mülhü no ti fudaqhini keno ti ye qhoi thizümüi tipau shosü püake-a lo mini ipeghi keu lono thizümüive moni keshea?”

Luke 3:17

Pa niqa shikimthe no athi pekütsüpe pa le lo sünike pa u lo athi xukütsü kepu süküba pe ani, eno amuu ye pa no ghapinhe kümlapu mi lono pitive nani.”

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

HOSIYA 13:3

Tighenguno panongu ye inaqhe kimhi toi, momu itheno hauve keu tsüzü toive nani, aniqa lono amuu fupe wuve keu momu alashe lono amchhi phoipeghi ketoi nani.

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

AKUMLO 4:3

Tüngtügha ghi ati pini cheni; panongu no ati tucho cheni, ikemu Iw timiqo nga ye yenguyike-a lo ostrichqo toi ayiküsa ilhouvae.

AKUMLO 3:48

Iw timi nga kütsave keu ghenguno I nhethi lo anhezü no aghoki toi qo anie.

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 22:4

Ikehu I no pi: “I likhi qhivelo; I pelo kukhukimji shi mlo pelo; Iw timi kütsave keu lo I lokughuno tsüniye pükapütsa tsü kevilo.”

AKUMLO 4:10

Küpüqhiyi kemi totimiqo no pano tianuli heqhipe lhoke; Iw timiqo nga kütsale akelo tino pano chuqupu shive.

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

JEREMIYA 4:12

ighono amülhü kümka I lau ighi ani. Itehi ye I no panongu shou atsa kükügha pipukuni.”

JEREMIYA 13:24

I no amuu toi nongu kuthole nani asaye mülhü no fupe wuve nani.

HABAKUK 1:6

Kughengu julo, hu kukhukimji eno ngosükümla shiye Chaldeami I no puthu ani, panongu ye panow kumomu süxa luveni ye ayeghiqha xü cheni.

HABAKUK 1:11

Tishino panongu no amülhü toi jolesü ighi no wuve, küqüve kemi hipaqo ye pano kumto no pano lhou ke!”

HOSIYA 4:19

Amülhü no pa chishibo lono panoqo küzüpe wuvae, panongu no pano ghakishi ghenguno kujo nani.