JEREMIYA 37:17 - Sumi Naga CL (Re-edited) Bible (BSI)

¹⁷ Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

BAIBEL (BSI)

¹⁷ Athiuno akukau Zedekiya no ikupuwu, eno tilau akukau kilono pano lomotsa shi ivilo ishi iniju, “AMPEU launo atsape kiuala ani ma?” “Anike!” ipi ino khochile eno highi pikuqha, “Noye Babilon kukau ulo suvetsuni cheni.”

JEREMIYA 37:17 Referans Kwoze

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 38:5

Akükau Zedekiah no pi, “Julo, pa ye nongu u lo ani, kughengu akükau ye nongu külave mlae.”

JEREMIYA 37:3

Akükau Zedekiah no Shelemiah nu Jehucal, eno Maaseiah nu achineu Zephaniah pama tungkupu Jeremiah lau puwu no pipe, “Kimiyeno Ampeu ni Lhou lau ni ghenguno inikhu tsülo.”

JEREMIYA 24:8

“Ikemu Ampeu no ishi piani: Judah kükau Zedekiah, paw kijemi eno Jerusalem lo ghükulumi khunoqo ayeghi tipau lo ani keno, eno Egypt yeghi lo xü akeqo shou I no chukümlapu mubuthi toi shitsü nani.

KUKAMI ATUGHIU 22:16

Ikemu akükau no pa vilo pi, “Ni ye ghuthu khije nono Ampeu je lono pi kelo, kuchou nguno kütau ye pipemo nike o pelo ashoqhi shipeni kea?”

Mark 6:20

kughengu Herod no John ye amikucho eno akimthemi kepi ithiche eno pa süsho cheke. Kughou pa no John tsa chiluni keno, pa mlo hauve no ighono künachove che, tishi keghi amloqi qhiyi chiluche.

JEREMIYA 15:11

Ampeu no pi, “Ni ye panongu kivipu ghenguno o khaqhi pheke kumo? Ni ye aküpüna eno aghime ghuloki lo aghümi zülono o ghenguno qhüiniju ke kumo?

KUKAMI ATUGHIU 22:15

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Iqho lo, eno tokulu shilo; Ampeu no tipau pesü akükau u lo süvetsü nani.”

JEREMIYA 52:8

Ikemu Chaldea ghüshimi no akükau hasü wuno Jericho lo aqa yeghi lono küghaluve, paw ghüshimi kümtsü apanagha pa launo pove.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

AKIKIHI 23:17

Ikehu pa no ideighi kelo Balak ye Moab sakiphemi sasü paw akiptia phivilo puthugho aghi. Eno Balak no iniju, “Ampeu ye kiu pi kea?”

KUKAMI AKINIU 25:7

Panongu no Zedekiah nhethe lono pa nuli pithive tsü; eno Zedekiah nhethi chixejove tsüno ayikichhe no pa tshüpe Babylon lo sawuve.

JEREMIYA 25:35

Ambekhemi ghenguno itshükulupu küha nani, momu aloji khemi ye poka kulupu küha nani.