JEREMIYA 34:9 - Sumi Naga CL (Re-edited) Bible (BSI)

⁹ ti ye timi kümtsü no Hebrew qüaxemi kiptimi totimi kuqhopheve peniye, tishikeu lono khunomu athiküzümi Jewmi pesü aqüaxe shipemo niye ke.

BAIBEL (BSI)

⁹ tishi anguno khumu pano Israilmi lakhi pesu aquaxe shipemoni keu shike.

JEREMIYA 34:9 Referans Kwoze

FILIPIAMI 3:5

atsala akütacheni no aphighüyiko ghakemi; Benjamin laghami Israelmi; Hebrewmi no punu keu Hebrewmi; Ayezah tsa loye Phariseemi;

2 Kor. 11:22

Panongu ye Hebrewmi keshea? Ni ghike. Panongu ye Israelmi kea? Ni ghike. Panongu ye Abraham polo kughukomi keshea? Ni ghike.

1 Kor. 6:8

Ikemu le nongu ampi no akumou shino no thiküzümiu ghi pükaqhiuve ke!

JEREMIYA 34:10

Puloshoqhi shikemi hiyampemi eno timi kümtsü no aghokulu shi kiptimi na totimi namu aqüaxemi kuqhove eno tsügha kithemo nike pulove. Panongu no agholu no kuqhophe khave.

JEREMIYA 30:8

“Tipa ghuloki lo hitoi shinani, aqokitikhi MPEU no sheshu, I no kuokhasü panongu kuo lono hephove tsü nani, pano kütsüghaqo pitive tsü nani, eno panongu ye inaghami qeu shimove nani.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 25:14

Kughengu shiye kutomo eno kükamiqo no pano küghape aqüaxemi shinani, I no panongu kümla eno panongu u no mlakeu kiqi lono lochile nani.”

SAMUEL ATUGHIU 14:11

Pama no Philistiami mqo zülo ipeghi. Eno Philistiami no pi, “Julo, Hebrewmi acheku khile panongu no itshü akeno tileno ipeghi ani.”

SAMUEL ATUGHIU 4:9

Akumto shilo, eno kiptimi toi shilo, O Philistiamiqo, tikumo aye panongu no püzüu nongu qüaxe shiche ketoi nongu ye Hebrewmi qüaxemi shive nosae; kiptimi toi mjochile lo.”

SAMUEL ATUGHIU 4:6

Kughou Philistiami no ighamku keu sütsa chilu keno, panongu no pi, “Hebrewmi ghazü lo aghügha kije igha akeu ye kiu kiqi kea?” Panongu no Ampeuw Puloshoqhi Bohu aghazü lo ighivae pikeu ithive kelo,

ZAKINIU 15:12

“No thiküzümi Hebrewmi kiptimi totimi namu o lau jesü aye, pa ye ampe tsügho o qeni, eno ampe akütsüniu loye pheveni.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 2:6

Kughou li no ti lhaphe keno, anga ithulu, eno julo, anga kughunu huye qa aghi. Li no pa kimiyeve no pi, “Hi ye Hebrewmi tianuli lakhie.”

BOTHUBO 40:15

Kughengu kuchou no ni ye Hebrewmi yeghi lono sünhe sawuve kemi, eno hilau ghi aqokutho lo I vesüve pekepu kümla ni ye kiumu shi püamoe.”

BOTHUBO 14:13

Tishino milakhi pokalu keu no ighi no Hebrewmi Abram vilo pive. Tipa ghuloki lo Abram ye Mamre lo aphisübo phivilo ache, Mamre ye Amorimi eno Eshcol ngo Aner pama thiküzüu, panoqo ye Abram sasü visho shikemie.