JEREMIYA 34:3 - Sumi Naga CL (Re-edited) Bible (BSI)

³ No ye pa u lono pomla nani ikemu mtsüqheino o küghape pa u lo phesüve nani. Nono anhethi no anhethi eno agi no agi kithe ghi Babylon kükau ithulu no pütsa nani. No ye Babylon lo wuve nani.’

BAIBEL (BSI)

³ Noye pomla nani; noye kughaluveno pa ulo suve nani. Noye agi kinheqhi pa sasu kusholu nani eno ampino kuptsa nani; tishi puzu noye Babilon lo wu nani.

JEREMIYA 34:3 Referans Kwoze

JEREMIYA 32:4

Nono pike, ‘Judah kükau Zedekiah ye Chaldeami u lono pomla nani, thebei no Babylon kükau u lo süvetsü nani, pa sasü agi no agi kithe küptsa nani, eno pa sasü anhethi no anhethi kithe ithulu nani.

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 34:21

Judah kükau Zedekiah eno paw hiyampemi ye I no pano ghümi u lo süvetsü nani, eno pano küxü phuche kemi u lo süvetsü nani, nongu launo wuve kemi Babylon kükau ghüshimi u lo süvetsü nani.

EZEKEL 21:25

O, mithekumo kixikilau, Israel kükapuu, o ghime ashekhau do, o tsala ye ighivae,

EZEKEL 12:13

Eno I no pa shou I khame vepuku nani, I lichhe lo pa kitime luve nani. Chaldeami yeghi Babylon lo I no pa saighive nani, ikemu pa ye ti ithulumo nani eno pa ye tilau no thive nani.

JEREMIYA 38:18

Ikemu nono liqhipe tsümo aye, mishighüna hipau ye Chaldeami u lo süvetsü nani, panongu no ami pesü hipau pitive nani eno no ye panongu u lono polumo nani.”

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

JEREMIYA 27:22

Hipaqo ye Babylon lo xapu wuve nani eno I no panongu xuju moke kutolo tile anani, ipi Ampeu no sheshu. Tishino I no hipaqo süchile süwo hipa-a lo qhikitheve nani.”

JEREMIYA 32:3

Judah kükau Zedekiah no pa pesü akughu shive no pi, “Kushiye no ye, ‘Ampeu no ishi piani: Julo, I no mishighüna hipau pesü Babylon kükau u lo süvetsü ani, pa no ti leluve nani’ ipi tungkuptsa pi kea?

JEREMIYA 32:28

Tighenguno Ampeu no ishi piani: Julo, I no mishighüna hipau pe Chaldeami eno Babylon kükau Nebuchadnezzar u lo süve tsüni cheni, panongu no hipau leluve nani.

JEREMIYA 34:4

Tishimu Ampeu tsa inilo, O Judah kükau Zedekiah! Ampeu no o ghenguno ishi piani: ‘No ye azütakikihi lono thimo nani.

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?

JEREMIYA 38:23

Nongu nipu eno atianuli kümtsü Chaldeami lau sawuve nani, no ampi ghi panongu u lono pomla no Babylon kükau no küghaluve nani, eno mishighüna hipau ye ami no pitive nani.”

EZEKEL 17:16

“I no xüake toi, Ampeu Alhou no asheshu, mtsüqhei a-a khile akükau no küghüna ani keno, khuu shoqhi pa no thaighave eno khuuw visho pa no kubove keno, pa ye Babylon lono thive nani.