JEREMIYA 34:17 - Sumi Naga CL (Re-edited) Bible (BSI)

¹⁷ “Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

BAIBEL (BSI)

¹⁷ Ike itehiye, Ni AMPEU no pianike nonguno ihebide ani: nonguye nowu timi Israilmi pano gho shipemovae. Tishiaye jualo, ino kuqhokiphe pesu nongu tsuveni: aghukishi, akusukini eno akhuava lono thinikeu kuqhokiphe tsuni. Ino ayeghiqhalo ashiayeh akeqo pelo nongu shou kiu shikeno jukichi peni cheni.

JEREMIYA 34:17 Referans Kwoze

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

DANIEL 6:24

Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 15:4

Hezekiah nu Manasseh, Judah kükau no Jerusalem lo kiu shi keno, tipa ghenguno I no panongu pesü ayeghi lo kükaqha kümtsü lau akümsapu shitsü nani.

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

JEREMIYA 32:36

“Tighenguno mishighüna khipau ghenguno nongu no, ‘Ti ye azütakikihi, püqümiye, eno püsa ghenguno pesü Babylon kükau tsüvae,’ ipi ani keno, itehi Ampeu, Israel Lhou no ishi piani:

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 15:2

Panongu no o vilo, ‘Ningu ye khila wuveni kea?’ ipi aye panongu vilo pilo, ‘Ampeu no ishi piani: “‘Püsa no ghaveni kemi no püsa, azütakikihi lono thini kemi no azütakikihi; püqümiye lono thini kemi no püqümiye, akughu lono thini kemi no akughu lono thi nani.’

ZAKINIU 19:19

pa no nguku akeu timi huno aghime ithulu kepushi akeu pa shou pukuveni. Hitoi alhoksa ye nongu gholono ikhiveni.

JEREMIYA 34:8

Akükau Zedekiah no timiqo sasü Jerusalem lono puloshoqhi shive no timiqo lau kuqhokiphe pikülhave kethiu Ampeu tsa Jeremiah lau ighi,

JEREMIYA 38:2

“Ampeu no ishi piani: Khuu no mishighüna hipau lo ngo ani keno azütakikihi, püqümiye, eno püsa lono thive nani, ikemu khuu no Chaldeami lau wuni keno xünani. Pa ye aghüshi lono aküxü pükhalu nani.

JEREMIYA 29:17

‘Aqokitikhi MPEU no ishi piani, julo, I no panoqo shou azütakikihi, akhüava, eno püsa puwu ani, eno panongu pesü mubuthi lhoksa, tsüve no chumlave keu toi shitsü nani.

JEREMIYA 32:25

Ikeghi O Ampeu Alhou, mishighüna ye Chaldeami tsüveamu Nono I vilo pike, “Pisa pesü alu qhülo eno thopimi qhilo.”’”