JEREMIYA 34:13 - Sumi Naga CL (Re-edited) Bible (BSI)

¹³ “Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

BAIBEL (BSI)

¹³ Israil Lhou no timiqo vilo pipeniye ivilo pike: “Kughou ino nopuasuqo Ijip lono xaphelu eno aquaxe lono panoqo kuqhophe keno tileno ino panoqo sasu puloshoqhi lakhi shike. Ino panoqo vilo pikeuno

JEREMIYA 34:13 Referans Kwoze

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.

JOSHUA 24:17

kughengu Ampeu no Egypt lo aqü-axe lono ni puasüqo eno ningu saipeghi eno Pa no akümzapu kümla ni nhethe lono piyeke. Nino khile wu keno momu khuno timi katha keno, ti kümtsü lo ni süshope qhie.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

ZAKINIU 5:27

Aphivilo wuno Ampeu ni Lhou no pikeu kümtsü inilo, eno Pa no o vilo pikeu kümtsü ni vilo pilo, nino inino papeni.’

IPEKULU 24:3

Moses no ideighi no timiqo vilo Ampeu tsa eno akhuaye kümtsü pive. Eno timi kümtsü no asütsa lakhi lono khochile pi, “Ampeu no atsa piqhive keu kümtsü ningu no shini.”

JEREMIYA 11:7

Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

JEREMIYA 7:22

I no Egypt yeghi lono panongu saipeghi ke tsala lono Ni ye no puasüqo vilo akipti kümllagho eno aghakishiqo ghili pimo momu azah tsümoe.

ZAKINIU 29:1

Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

ZAKINIU 24:18

ikemu nongu ye Egypt lo aqüaxemi shi ache eno Ampeu nongu Lhou no nongu xaphelu kepi kümsülu lo; tighenguno hitoi shilopi I no nongu azah tsü ani.

ZAKINIU 16:12

Nongu ye Egypt lo aqüaxemi shiche kepi kümsülu lo; eno tsaqüi akhuaye hipau pepimhe lo.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

JEREMIYA 34:12

Jeremiah lau Ampeu tsa ighi: