JEREMIYA 33:6 - Sumi Naga CL (Re-edited) Bible (BSI)

⁶ Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

BAIBEL (BSI)

⁶ Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

JEREMIYA 33:6 Referans Kwoze

John 10:10

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

LESHELE 67:2

tishianguno ayeghi lo shiye kümtsü no O laghi ithi, Ow xakulu küka ithi penie.

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

HOSIYA 7:1

Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

JEREMIYA 17:14

I shipivi tsülo, O Ampeu, eno ni ye viluve nani; I xalulo, eno ni ye xaluve nani, kughengu No ye Iw shekiqhe ke.

MICAH 4:3

Pa no ashiaye kutomo dolo küghatha tsü nani, akumto shiye putou akeqo ghenguno xathatsü nani; panongu no pano zütakikihi hepha pesü akuphu mlave nani, eno pano ngupa pesü asübo kikixi züta shive nani; shiye lakhino lakhi shou azütakikihi peqhemo nani, momu aghü küpüghümo nani;

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

LESHELE 37:11

Ikemu ivünhei kemi no ayeghi ighi luve cheni eno iqüghai keu lono pano lopiqilu nani.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

Ephesiami 6:23

Apu Alhou eno Ampeu Jisü Khristo no aloino keu eno aküpülü gholo kikimiye pesü athiküzümi tsü peniu.

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

ISAIAH 39:8

Tileno Hezekiah no Isaiah vilo pi, “Nono Ampeu tsa pive keu ye akivipue.” Kughengu pa no ishi kümsü, “I küxü tivilo ye iqüghaikeu ngo süshokulu aniae.”

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

LESHELE 147:3

Pa no amlo ipopinyi kemi shipivi eno pano zaku khatsü cheni.

YETSAPIU 3:3

pithi kepu do, eno shipivi kepu do; hephove kepu do, eno shiqhe kepu do;

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.