JEREMIYA 33:3 - Sumi Naga CL (Re-edited) Bible (BSI)

³ I ku ighilo eno I no o khochileni, nono ithimphi keu thime kije eno tuqhou I no o vilo pini.

BAIBEL (BSI)

³ “Ikulo eno ino okhochile nike; akumzapu ngo akichiqhi kepu thime nono kitilamu mthano achekeu pesu ino ovilo pinike.

JEREMIYA 33:3 Referans Kwoze

JEREMIYA 29:12

Tileno nongu no I ku ighi nani eno I vilo inikhu nani, eno I no nongu sütsa initsü nani.

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

ISAIAH 48:6

“Nongu no chiluvae; itehi hipaqo julo; nongu ye hipaqo vehu pikülha moni keshea? Hinguno hilau ye I no thime akithe küsüpe püakeqo khikhi nongu no mtha keno, tipaqo nongu vilo pinani.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 145:18

Ampeu ye khunono kuchou lono Pa ku cheni keno pano phivilo ani.

ZAKINIU 4:7

Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

Apostolmi 2:21

Khukhumu Ampeu je kulu keu ye xaluve nani.’

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

ISAIAH 45:3

I no zümoike-a lo kinikülü achekeu o tsü nani eno tuqhou-a lono akughupu nhemgha o tsü nani, tishikeu lono Ni ye Ampeu kepi nono ithi nani, eno Israel Lhou no o je kughi o kulu kepi ithi nani.

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

MATTHEW 13:35

Hi ye tungkupu no kiu pipüa keno shikupu niye ke: “I no kimghikipiye lono pinike I kichi xükhoni; ayeghi boqha gho kelono kiu küsü püache keno I no pini.”

MICAH 7:15

Nongu no Egypt yeghi lono ipeghike tsala lo toi, I no akümzapu thimeqo panongu piye nani.

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

JEREMIYA 23:35

No ye ishi pini, pütüta kisüghümi lau, pütüta thiküzümi lau, ‘Ampeu ye kiu khochile kea?’ momu ‘Ampeu ye kiu pi kea?’ ipini.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

JEREMIYA 32:27

“Julo, Ni ye Ampeu, timi kümtsü Lhou. I ghenguno kiu kiumu kushokütsü keshea?

DANIEL 2:18

eno panoqo vilo tuqhou küsü püakeu hipau ghenguno kungugha Lhou lau küpükini phu penike piputove, tishianguno Daniel ngo pa küsami ye Babylonmi alokütsümiqo gholono kütsave pemo niye ke.

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”