JEREMIYA 33:16 - Sumi Naga CL (Re-edited) Bible (BSI)

¹⁶ Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

BAIBEL (BSI)

¹⁶ Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

JEREMIYA 33:16 Referans Kwoze

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

ZAKINIU 33:28

Tighenguno Israel ye sükusho lono xücheni, atsütsü lono atsüzü piqitsü keu, athi ngo atsaizü yeghi lo Jacob ye iqüghai xülu cheni.

ZAKINIU 33:12

Benjamin ghenguno, pa no pi, “Ampeu qhuu ye sükusho lo ani. Akiqheu Lhou no pa khekuto eno pa gholo acheni.”

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

JEREMIYA 50:7

Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’