JEREMIYA 32:5 - Sumi Naga CL (Re-edited) Bible (BSI)

⁵ Pa no Zedekiah sasü Babylon lo wuve nani, eno I no pa xuju moke kutolo pa ye tile anani, Ampeu no sheshu. Nono Chaldeami mjochile namu no ye tomla nani.’”

BAIBEL (BSI)

⁵ Zedekiya ye Babilon lo sawuve nani eno ino pa peithamoke kutolo paye tilau ache nani. Pano Babilon sasu aghushie pinamu tomla nani. Ni, AMPEU no piqhiveake.”

JEREMIYA 32:5 Referans Kwoze

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?

JEREMIYA 39:7

Pa no Zedekiah nhethi lejove tsü, pa nhethi khave tsüno sasü Babylon lo wuve.

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.

JEREMIYA 27:22

Hipaqo ye Babylon lo xapu wuve nani eno I no panongu xuju moke kutolo tile anani, ipi Ampeu no sheshu. Tishino I no hipaqo süchile süwo hipa-a lo qhikitheve nani.”

EZEKEL 12:13

Eno I no pa shou I khame vepuku nani, I lichhe lo pa kitime luve nani. Chaldeami yeghi Babylon lo I no pa saighive nani, ikemu pa ye ti ithulumo nani eno pa ye tilau no thive nani.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

JEREMIYA 2:37

Hipau lo ghi no ye o u no o kütsü nhape wu nani, kughengu nono pükhübe akeu ye Ampeu no kilevae, eno no ye pano vecheo ikoishe lumo nani.

AHOLE 21:30

Alokütsü, vethakulu, mijekütsü kiunomu Ampeu theqhimla nani.

YEKIKITHI AKINIU 24:20

Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

AKIKIHI 14:41

Ikemu Moses no pi, “Nongu ye tomoni keghi kushiye Ampeu zakütsü hexa ani kea?

JEREMIYA 32:6

Jeremiah no pi, “Ampeu tsa I lau ighie:

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 39:5

Ikemu Chaldeami ghüshimi panongu hawuno Jericho qa lono Zedekiah haluve. Panongu no pa küghape Hamath yeghi Riblah lo Babylon kükau Nebuchadnezzar lau saghi, pa ghimeni keu za tsüve.

AKUMLO 1:14

“I xine pesü kuokhasü lo tshü; Pa u no tipaqo tsügha küqhave; tipaqo pesü I kuo lo xipipe; I kükakumto ye tomlavepe; I no khunoqo mjomla keno tipaqo u lo Ampeu no I phesüve ke.

EZEKEL 12:12

Kükapuu khuu panoqo gholo ani keno pa no züghüive kemtsa pa bighi lo pa kho xapuqhe luve no wuve nani. Panongu no tipau lono pa saipe niye atupikiye chhupho ilo nani. Pa no pa gi küzüluve nani tishino pa ye pa nhethi tsükho pesü ayeghi hipau jumoni ye shi nani.

JEREMIYA 39:4

Kughou Judah kükau Zedekiah ghüshimi no ti ithulu keno panongu ye pove, akükau ghutu lo atupikiye kini dolono khagho vechesü panongu ye Arabah küdau wuve.