JEREMIYA 31:33 - Sumi Naga CL (Re-edited) Bible (BSI)

³³ Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

BAIBEL (BSI)

³³ Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 31:33 Referans Kwoze

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

IBRIMI 10:16

“Ampeu no sheshu, tipa tsala thiu I no panoqo sasü puloshoqhi shini keu hike: I no I Yezah pesü pano mlo lo sütsü nani, eno pano kükümsü lo yepuku tsü nani.”

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

JEREMIYA 32:38

Panongu no Iw timi shive nani, eno I no panongu Lhou shinani.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

LESHELE 37:31

Pa Lhou yezah ye pa mlo lo ani; Pa pukhu ye nepiyeve chemoe.

Rommi 7:22

Kughengu I mlo alouno ni ye Alhou Yezah lo I züküvü acheni,

JEREMIYA 30:22

“Nongu no Iw timi shinani eno I no nongu Lhou shinani.”

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Rommi 11:27

“I no panoqo xine pevetsü kelono hitoi panoqo sasü Iw puloshoqhi shi nani.”

1 Thes. 4:9

Athiküzümi kimiye kileni keu vehu lo khunomu nongu lau ye akepu vehu kühae, kughengu lakhino lakhi kimiye kileni keu ye Alhou no nongu shikavae,

KUKAMI ATUGHIU 8:58

Pa laghi lo chelu eno Pa zakütsü, pimheye, eno ayezah khikhi ni puasüqo tsü keno kümtsü pelu penike Pa pelo ni mlo tsüghü sawo Pa lau qhilu peniu.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

HOSIYA 2:20

I no pükhükulu lono no inisü nani. Eno nono Ampeu ithive nani.

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.

LESHELE 40:9

Ahoho kije lono I no xaphekulu lokivi tsa pive tsüae; O Ampeu, Nono ithi aketoi, ni ye I mütsü lakha püamoe.

AHOLE 7:3

o uloti lo anguthi toi khapulo; eno o mlo tulupha lo yepukulo.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

JEREMIYA 17:1

“Judah xine ye ayi yesüta pesü yepüani, mlaputu mtsüsüi keu pesü panongu mlo tulupha eno pano kiptia kibo lo kixipuku püani,