JEREMIYA 31:3 - Sumi Naga CL (Re-edited) Bible (BSI)

³ Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

BAIBEL (BSI)

³ ino putosuuno panoqo lau ipeghi piyeke. Israil lo akemiqo, niye pulhapuju nongu kimiyeke, ikehu iwu iqemokeu kikimiye pesu ino nongu lau piyechephike.

JEREMIYA 31:3 Referans Kwoze

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

HOSIYA 11:4

I no küpüqhiyi keu kighikipili, eno kikimiye kütsügha pesü panongu saphe, panoqo kuo lono kuokhasü ikhive tsü, eno itsaqi no panoqo loji ke.

ZAKINIU 33:3

Iyei, Ampeu no Paw timi kimiye, Pa kimthe timi kümtsü Paw sükusho lo ae; ikehu panongu no O pape ke, eno Ow mijekütsü papeke,

1 John 4:19

Ningu no kimiye kile chekeu ye Alhou paghino ningu kimiye kehue.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

MALAKI 1:2

Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

ZAKINIU 10:15

Ikeghi ashiaye kümtsü dolono Ampeu no nongu puasü eno pano polo kughukomi qhuivü, eno ishi kutolo tishi aphie.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

Rommi 9:13

Ti ye hitoi yepüa keu kiqi lono ke, “Jacob ye I no kimiye, ikemu Esau ye I no mithie.”

LESHELE 25:6

Ow kimiyekini eno iqemokeu kikimiye kümsü lulo O Ampeu, kughengu tipaqo ye khaghi no tishi cheghi ke.

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

ISAIAH 43:4

Kughengu no ye I nhethe lo akughupu; gihu küzüpu, I no o kimiye cheni eno o theli lo timiqo pheve cheni, o küxü ghenguno ashiaye kütami pesü atheli shi cheni.

ISAIAH 49:14

Ikemu Zion no pi, “Ampeu ye I qhivae; I Mpeu ye I kümsümavae.”