JEREMIYA 31:21 - Sumi Naga CL (Re-edited) Bible (BSI)

²¹ “Ala lo amchipu shipe qhilo; o ghenguno kichekütsü mlalo; nono khipa la lono wuve keno alaghila jukimchi pe qhivelo. Ideighilo, O amikuchou Israel, ow mishighünaqo lo ideighilo.

BAIBEL (BSI)

²¹ Amchi shikeu peqhelo eno alaghi amchi shilo; nono khipala lono cheve keno tipau laghi phukithelo. Ideighilo, O Israilmiqo, nonguno qhivekeu taunlo ideghilo.

JEREMIYA 31:21 Referans Kwoze

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

JEREMIYA 51:50

“Nongu azütakikihi lono pokalu keqo, povelo, inaqhoi puthughove kevilo! Putou no Ampeu kümsülu lo, eno Jerusalem kümsülu lo:

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

ISAIAH 57:14

Hitoi piche nani, “Shiqhelo, shiqhelo, alaghi kutolo, Iw timiqo laghi lono vekhape akeu kümtsü ikhive lo.”

LESHELE 84:5

Khuno kumto O launo ithulu cheni keno, khuno mlo lo Zion lo kuwu laghi ani keno alokivipue.

ZEKHARIA 10:9

I no shiyeqo gholo panongu hale puwuve namu putou ghakhu lono panongu no I kümsülu nani, eno pano tianuli sasü panongu no aküxü achili shi ideighi nani.

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

AHOLE 24:32

I no ti ithulupe kümsüju kelaye tileno akükütsütsa lakhi ithulue.

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

YEKIKITHI AKINIU 20:3

Tileno Jehoshaphat ye msave no pa gi kughope Ampeu phu, eno Judah ghakhu kümtsü no kümvü penike azah tsü.

YEKIKITHI AKINIU 11:16

Israel shiaye dolo khunono Ampeu Israel Lhou mllani shikeno tipaqo ye Levimi papesü Jerusalem lo wuve, eno panongu no Ampeu pano puasü Lhou lau aghashie.

YEKIKITHI ATUGHIU 29:3

Akimthe ki ghenguno tinhemgha tsüve keu gholo itaghi I no I Lhou ki kishilo amlo tsüqhiyi chekeu ghenguno Iw lüthü kinibo lono ameshoyi ngo ghükayi hitoi tsüve ani:

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

JEREMIYA 46:11

O Egypt limiqo, Gilead lo iqho no nukümtshau lulo! Nongu ye adou lono küsüvi kutomo peithavae, nongu ghenguno shikipivi kühae.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.