JEREMIYA 30:24 - Sumi Naga CL (Re-edited) Bible (BSI)

²⁴ Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

BAIBEL (BSI)

²⁴ Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.

JEREMIYA 30:24 Referans Kwoze

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

MICAH 4:1

Ashekha tsala lo hi ighi nani Ampeu ki akeu naghuto ye, kümtsü gholo akiqheu shive nani, eno atoghiqo nguno akiqheu shi ikhiqhe nani; ashiayeqo no tile chokive ighi nani,

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

DANIEL 10:14

eno ighini keu tsala lo ow timiqo lau kiu shiniye ani keno o pelo vethalu peniye ighi ani. Kughengu kungunhetsü ye ighini keu tsala ghenguno ke.”

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

JEREMIYA 48:47

Ikeghi hithiu tsala lo I no Moab ngukümgha tsüchile nani, ipi Ampeu no sheshu,” Hi no Moab shou küghakütha ke.

JEREMIYA 4:8

Hi ghenguno yeqhiyephi pepulo, mlolo eno amlo kighishi shilo, kughengu Ampeu mlokighide ye ningu launo tsüghüsü womoae.”

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 14:24

Aqokitikhi MPEU no ashoqhi shivae: “I no kughu püake toi eno I no miji püake toi tishi nani,

SAMUEL ATUGHIU 3:12

Tipa tsalani I no Eli kibolomi ghenguno piqhi püakeu kümtsü abothu lono ashekha kutolo shikupu nani.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

BOTHUBO 49:1

Tithiu Jacob no pa nuliqo kuno pi, “Nongu aqoshi hekütsülo, tishianguno ighini keu tsala lo nongu lau kiu shinani keno I no nongu vilo pini.

JEREMIYA 49:39

“Ikemu hithiu ye I no Elam ngukümgha tsüchile nani, ipi Ampeu no sheshu.”

JEREMIYA 49:37

Elammi mjoche kemi eno pano küxü phuche kemi zülono I no panoqo kütsaqhi nani. I xukighide lono I no Elammi kütsale nani eno panoqo pühave moke kutolo panoqo shou azütakikihi puwu nani.

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.