JEREMIYA 3:22 - Sumi Naga CL (Re-edited) Bible (BSI)

²² “Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

BAIBEL (BSI)

²² Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 3:22 Referans Kwoze

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 14:4

Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;