JEREMIYA 29:13 - Sumi Naga CL (Re-edited) Bible (BSI)

¹³ Nongu no I phuighi nani eno I phulu nani. Kughou nongu no amlo kuchopu no I phuighini keno,

BAIBEL (BSI)

¹³ Nonguno ipunu ighino iphulu nani, kughengu nonguno amlo kuchopu pe ipunu ighi nani.

JEREMIYA 29:13 Referans Kwoze

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

MATTHEW 7:7

“Khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhitsü nani.

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 119:145

I mlo kuchopu no O ku ani; O Ampeu, I khochile lo! I no O zakütsü papeni.

YEKIKITHI AKINIU 31:21

Eno Alhou ki ghenguno pa no ayezah lo akeu kiqi lono, pa Lhou phuno akümla shikeu kümtsü, pa mlo kuchopu pesü shino ikoishe lue.

LESHELE 119:58

I mlo kümtsü no I no Ow kimiyekini qhüiniju ani; O shoqhi kiqi lono I lau küpüqhiyi tsülo.

YEKIKITHI AKINIU 22:9

Pa no Ahaziah phuwu no Samaria lo itshü aghi kelono küghaluve. Panongu no pa sasü Jehu lau ighi no pithive. Panongu no pa shiqhove, kughengu panongu no pi, “Pa ye amlo kuchopu no Ampeu phu chekeu Jehoshaphat tilimi ke.” Eno Ahaziah kibo lo lakhimu kükaqha lo ayepeni keu kühave.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

LESHELE 119:69

Aqheküzami no akimki pesü I juaje shipüsa cheni, ikemu I mlo kuchopu no ni ye O kükütsüqo pape cheni;

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

YEKIKITHI ATUGHIU 22:19

Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

LESHELE 145:18

Ampeu ye khunono kuchou lono Pa ku cheni keno pano phivilo ani.

ISAIAH 65:10

Sharon ye lhoxü lojiqo ghenguno achu kümza-a shinani, eno Achor khila ye lhoxü lojiqo no ihozü chekeu qha shive nani; I no hitoi shi I phuighi kemi ghenguno shitsü nani.

JEREMIYA 50:4

“Ampeu no sheshu, tipa ghuloki ighi kelo Israel ngo Judah timi no mloqasü ighi no Ampeu Alhou phu nani.