JEREMIYA 28:6 - Sumi Naga CL (Re-edited) Bible (BSI)

⁶ Tungkupu Jeremiah no pi, “Amen! Ampeu pelo tishi peniu, nono tungkuptsa pive keu kuchou shi aghi peniu, eno Babylon lono Ampeu kilo akhu ajukhu eno akughumi kümtsü a-a hipau lo sachile saghive peniu.

BAIBEL (BSI)

⁶ “Akumzapuke! AMPEU no tipau shinikeu niye laju anike! Niye nono tungkuptsa pikeu kuchou shi pano shitsu penike niye laju anike, Babilon kudauno achinekilo akini pekutsu puakeu kumtsu eno timi khijehi akughumi shi sawuve keno tipaqo kumtsu sachile saghi penike.

JEREMIYA 28:6 Referans Kwoze

LESHELE 41:13

Pülhapuju lono pülhapuju kutolo Ampeu Israel Lhou sheqhelo! Amen, Amen.

KUKAMI ATUGHIU 1:36

Tileno Jehoiada nu Benaiah no akükau khochile, “Amen! I mpeu akükau Lhou, Ampeu no tishitsü peniu!

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

JEREMIYA 28:3

Ampe kini dolono Babylon kükau Nebuchadnezzar no Ampeu ki lono akhu ajukhu xapusü Babylon lo wuve keu I no süchile süwo a-a hile qhive nani.

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

LESHELE 106:48

Israel Lhou Ampeu sheqhelo, Pülhapuju lono pülhapuju kutolo! Eno timiqo kümtsü pelo, “Amen!” ipi pelo. Ampeu sheqhelo!

LESHELE 89:52

Alholo Ampeu sheqhelo! Amen, Amen.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

YEKIKITHI ATUGHIU 16:36

Israel LhouAMPEU lau pülhapuju lono pülhapuju lo kümgha keu alo!” Tithiu timi kümtsü no, “Amen!” ipi no Ampeu sheqhe.

AKIKIHI 5:22

Angusü süghi chekeu zü hipau no o kive lo ilo no o puqho ngo o phimpi inguuve peni.’ Eno atotiu no khochileni, ‘Amen, Amen.’

ZEKHARIA 6:10

“Haphe sawuve kemi Heldai, Tobijah eno Jedaiah, khunoqo Babylon lono ighive akeno tipaqo launo ghükayi ngo ameshoyi lulo, tipa tsala lono Zephaniah nu Josiah kilo wulo. Ghükayi ngo ameshoyi pesü kükakütsüqho mlalo, eno tipa pesü Jehozadak nu Joshua achinetou pipelo.