JEREMIYA 23:36 - Sumi Naga CL (Re-edited) Bible (BSI)

³⁶ Ikemu no ye khilemu ‘Ampeu pekimshi’ ghili pi kevilo, kughengu ape kimshi ye timi lakhikhi tsake, no ye aküxüpu Alhou, aqokitikhi MPEU, ni Lhou tsa tuchighive ani.

BAIBEL (BSI)

³⁶ Tishiaye panonguye khilemu ‘AMPEU makho,’ ipikeu tsalothi peitha kepu kumoe, kughengu milakhi nomu tipau peitha aye, ino itsape pesu pa shou amakho kuchou lakhi shipe nanike. Timiqono xuakeu Lhou, Aqokitikhi MPEU, panoqo lhou tsalothi suchighive anike.

JEREMIYA 23:36 Referans Kwoze

2 Peter 3:16

hi ye paw yesü kümtsü lo pa no pichekeu tsake. Paw yesü lo kuthoküzü tsa hami vethalu nike shokeu ani, ti ye mtha kemi eno aküpülü lo akuhu qüsümo kemi no Kuchoyesü kütau tuchighive chekeshi tipaqo ghi pesü pano ampi shiküpsapu ghenguno tuchighi cheni.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

LESHELE 120:3

No pishikiqhi mili xapu akeu, Alhou ye kiu o tsüni, eno itaghi kiu o lau shitsüni kea?

LESHELE 64:8

Panongu ye kütsavae, pano mili no pano küla ani; panongu ithulu kemi kümtsü no akütsü küngü nani.

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

Galatiami 6:5

Kughengu pütüta müzülo amakho pukepu ani.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

Luke 19:22

Pa no khochile, ‘O likhi o tsa pesü I no akipimi o tsünia na, no kixikila qeu! Ni ye tsatsai kemi, imasümo no ithulu eno xusümo no xolu chenie pi nono ithi ani ya?

MATTHEW 12:36

I no nongu vilo piani, küghakütha tsala lo kümtsü no kutokupui mono pive keu tsa ghenguno kihikülai tsümasa nani,

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

AHOLE 17:20

Amlo chighichilai kemi ye akivi pephelu chemo eno pighizü mili kupumi ye küsakusho lo ikiqive cheni.

LESHELE 149:9

pano shou yepüakeu küghakütha süghi peniye ke! Hi ye Paw küpülümi kümtsü ghenguno agigihu ke. Ampeu sheqhelo!

LESHELE 12:3

Ampeu pelo alaphasü chekeu mili, shishe qheza ghi hitoi pichekeu mili ghithave tsü peniu,

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

JEREMIYA 23:37

Tighenguno no ye tungkupu vilo pilo, ‘Ampeu ye kiu o khochile kea?’ momu ‘Ampeu ye kiu pi kea?’

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.