JEREMIYA 22:23 - Sumi Naga CL (Re-edited) Bible (BSI)

²³ O Lebanon lo küxümiqo, Cedar kilo akeqo, topumi no apunu küsü sü aketoi nongu shou kushuküqha ikughi kelo kishi kimiye kepu shinani kela!”

BAIBEL (BSI)

²³ Libanon kudauno Kedar sughikeu gholo nonguno sushokulushi ngo cheke; ikemu kughono akusupuno nongu hekuluni keno nonguye amlo kiyighipu shi nani, sakutukeu tiye totimino apunu kusu shiake toi nani.

JEREMIYA 22:23 Referans Kwoze

JEREMIYA 6:24

Nino tipau sütsa chiluvae; ningu u ye miqemleivae, totimi no apunu küsü sü akeshi amlo ghime no ni tsüqü luvae.

JEREMIYA 22:6

Kughengu Judah kükau kibo ghenguno Ampeu no ishi piani: “‘No ye I ghenguno Gilead toike, Lebanon toghi kütsüqa toike, tishimu I no kuchou no o pesü asayeqha eno pighive keu mishighüna shive tsüni.

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

Obadiah 1:4

Nono alhuqu toi kunguu yecheghi na, ayepuqo gholo o püsü shipüaghi namu, tilauno I no o sünhe saiqighive nani, Ampeu no shuphevae.

AMUS 9:2

“Panongu no ala chhusü Kithigha lo iqive namu, tilauno I u no küghaluve nani; panongu no atsütsü lo ikuvemu, tilauno I no saiqighive nani.

HOSIYA 7:14

Panongu ye amlo tsüqhiyi I lau ighamku chemo ikemu pano lüpa lono igha cheni; athi eno aji ghenguno pano ampi ghüza cheni; panongu no I hebide chenie.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

JEREMIYA 49:16

No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

JEREMIYA 48:28

“O Moabmiqo, aphughiqo qhive no atuqu dolo xüuve lo! Miqhedu no anhepho lo apüsü shiche ketoi no ghi tishilo.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 3:21

Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

AKIKIHI 24:21

Eno pa no pishi puwo Kenimi juno tungkuptsa hitoi pi, “O kungo-a ye süshokulu ani, eno o püsü ye atuqu lo shipüani.

EZEKEL 17:3

Ampeu Alhou no ishi piani: Alhuqu kuloghi lakhi achishibo kije eno amhi kushuo ache, alabe jeli mhi no ghoghoi püzü Lebanon lo ighi no cedarbo kütsüqa lo ngove.