JEREMIYA 20:7 - Sumi Naga CL (Re-edited) Bible (BSI)

⁷ O Ampeu, Nono I pishiqhivae; No ye I nguno akumtou, eno Nono toluvae. Ni ye atsala kupuju azükutunupu shiauvae; kümtsü no I thaigha anie.

BAIBEL (BSI)

⁷ AMPEU, nono ipishiqhike, eno ipishiqhi putsake. Noye inguno akuka kumtouke, eno nono itheqhivae. Kumtsuno ithaigha ani, atsala kupujulo niye panoqo zukutunupubo shiauvae.

JEREMIYA 20:7 Referans Kwoze

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

AKUMLO 3:14

ni ye ashiaye kümtsü zükutunupu shiauvae, puchopuju panow thoküghapu shiauvae.

EZEKEL 3:14

Aghungu no I peqheluve eno I sawuve, eno ni ye kukhukimji shive, Ampeu u no I shou akumto shi ikughive ke.

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

IBRIMI 11:36

Khami ye ghushoqhi eno heqhi buqhi, tshüluve eno akughu shive.

1 Kor. 9:6

Ikeo Barnabas nikujo likhino akümla shimono chuni keu chipiu küha kea?

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Luke 23:11

Herod no paw ghüshimi sasü Jisü thaigha eno junuqhi. Tishino aphimini kighiche pa pipe no Pilate lau kighide puwove.

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

MICAH 3:8

Ikemu I ghengu ye, Ampeu Ghungu küka eno kuchou xakütha ngo akumto no I shepichhipe ani, ti ye Jacob vilo paw hekibide eno Israel vilo pa xine piniye ke.

JEREMIYA 29:26

‘Ampeu no o pelo Pa ki jukütsü tsü penike achineu Jehoiada theli lo o pesü achineu shivae, no ye tungkuptsa piche keu aghüzüu pesü kuokhayi pipe no khakütha bolo sülo.

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

JEREMIYA 15:18

Kushiye I küsü ye tavemo, I zaku ye zaghi eno shipivi mla kea? No ye kushiye pishikiqhi ghokiti, tuqu lo züha ghoki toi kea?

JEREMIYA 15:10

I za I punuu, I hasapue, aghakhu kuchopu lo mtomshu eno kütsala chekeu timi! Ni ye püna püamo, momu nalu püamoe, tishimu kümtsü no I ghusho ani.

KUKAMI AKINIU 2:23

Pa no tilau no Bethel lo iqhoche kelo, itimi khami no mishighüna lono ipeghi no pa junu ghi pi, “Iqhovelo, boghesho! Iqhovelo, boghesho!”

JOB 12:4

I küsami zülo ni ye azükutunupu shivae, Alhou ku kelo Pa no khochile tsüche, achipiu eno atiche kühakeu huye azükutunupu ilhouvae.

LESHELE 119:51

Aqheküzami no akiqheu lono I thaighae, ikemu ni ye O yezah lono tsüghüve moe.

JEREMIYA 38:19

Akükau Zedekiah no Jeremiah vilo pi, “Ni ye Jewmi Chaldeami lau wuve keqo msa ani, panongu no I pesü Chaldeami u lo süve tsüno I kijipüsa nosae.”

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

JOB 30:9

“Ikemu itehi ni ye panoqo tsabo eno pano zükutunupu shiauvae.

ISAIAH 8:11

Ampeu no Pa u kumto pesü I sünhe luve no timi hipaqo laghi lo wu pemoni ke I ghutu ghi pi,