JEREMIYA 2:24 - Sumi Naga CL (Re-edited) Bible (BSI)

²⁴ aghalo khurha no asayeqha lo külhübei kelau no amülhü müsüsü aketoi ani! Khuu no li kimne ghasü luni kea? Li phuwu kemi khumu lhove chemo, li no kipewu kelo panongu no li phuluve nani.

BAIBEL (BSI)

²⁴ Lino mutho ipeghi kelo khuno li ghasuluni kya? Li avehupushi akeu kemel attsuye kiumu akupunapu shimo nanike, liye aghupa ghulokilo pulhapuju aghive nanike.

JEREMIYA 2:24 Referans Kwoze

JEREMIYA 14:6

Aghalo khurhaqo no atoghi kümsa lo puthugho; aghalo tsüqo toi atuthu shekukuno; asütsüni kühave kehu pano nhethi no ithumlave.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JOB 11:12

Ikemu mbomzümi ye aghasa lo küa khurha no timi pitive kethiu likhino vethakulu lokütsü ithulu nani!

HOSIYA 8:9

Kughengu panongu ye aghalo khurha toi lomoshi itsüsü Assyria lo wuvae; Ephraim ye alojipumi piqevae.

JOB 39:2

Tipaqo ye aqhi khije ati pucheni keno no ye kihiju kema, eno kughou no piti cheni keno no ye ado ithi anima?

EZEKEL 16:33

Kiptimiqo no kütüqhalimi kümtsü agho tsüe, ikemu nono o lojipumi kümtsü lau agho tsüe, eno kütüqha akeu küdau ighi peniye külügho panoqo tsüke.