JEREMIYA 2:21 - Sumi Naga CL (Re-edited) Bible (BSI)

²¹ Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

BAIBEL (BSI)

²¹ Kishekidelu keu tsayibo, alothi akiviu lono ipeghikeu lakhi toi ino oshosuke. Ikemu noye kiu shiuvea kela julo! noye tsuwuveno amekuhave keu tsayibo toivae.

JEREMIYA 2:21 Referans Kwoze

ISAIAH 5:4

I tsailu ghenguno shikulupu hinguno alau I no shimove keu kiu ani kea? Kushiye I no atsaithi kivi huqhe akelaye akiqhiu xolu kepu shive kea?

IPEKULU 15:17

O Ampeu, a-a khikhi Nono O kungo-a shipüani keno, akimthe-a khikhi O u no shiqhe keno, O Ampeu, Nono tile panoqo sailo Ow naghuto lo shosü nani.

John 15:1

“Ni ye atsaibo kuchou eno I Pu ye atsailu kichiu ke.

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 80:8

Nono Egypt lono atsaibo lakhi peighi; Nono shiyeqo haleve eno tipau shosüe.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

Luke 20:9

Jisü no kimghikipiye hipau pesü timiqo vilo pithuve: “Timi lakhi no atsailu chini ke shosü eno mishipe timi tsüve no ampe hami ghenguno aghakhu kütau lo wuve.

Mark 12:1

Tileno Jisü no kimghikipiye lono timiqo vilo pi thuve. “Timi lakhi no atsailu chi, pa no tipau homxa akuptu süve, atsaithi kütsüghü ghenguno aqo lakhi chhu, eno aqoghe ghopuku no tipaqo pesü mishikulumi tsüve püzü pa ye aghakhu kütau wuve.

ZAKINIU 32:32

Pano tsaizü ye Sodom ngo Gomorrah tsaibo lono ighie; pano tsaithi ye tüghü tsaithi, eno pano tsaibo ye khumtsai ke.

MATTHEW 21:33

“Kimghikipiye kütau lakhi inilo. Alu pighimi lakhi no atsailu lakhi chi eno tipau homxa ghi aghutu shino atsaizü kütsüghü tughuko chhu, eno aqoghe mlape qhi; tishino mishikulumi pichive no aghakhu kütau wuve.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

LESHELE 105:6

O Abraham tikughukomi, pa qemiqo, Jacob nuli, Pa no kisheluve keqo!

JOSHUA 24:31

Joshua no xüake tivilo eno sakiphemi Joshua nguno akushuu xükeqo küxü tivilo, Israelmi no Ampeu qeche, kughengu panongu ye Ampeu no Israelmi ghenguno shitsü keu kümtsü ithi cheke.

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

ISAIAH 27:2

Tipa ghuloki lo, “Atsailu jukighilepu shikipili le phelo!

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

LESHELE 80:9

Nono tipau yeghi shikimthe; tipau kuhu thonhei qüilove eno ayeghi kümtsü nhakhalu ke.

JEREMIYA 5:10

“Li tsaibo ajoshi akeu lo wuno kütsaleve lo, ikemu kishekhave tsü kevilo; li lokaqo kixive lo, kughengu panongu ye AMPEUw kumoe.

JEREMIYA 11:16

Ghuthu lakhi lo Ampeu no o pesü ‘xüthilei keu olive sübo, jukivi eno axathi kivi’ ipi kuche. Ikemu Pa no pasapagha kije ghügha pesü tipau lo ami süvetsü nani, eno tipa lokaqo ye pitive nani.

EZEKEL 15:2

“Timi nu, aghasü lo asübo akeqo dolo kishino atsai kighibosü, atsai loka no asü kütau nguno akiviu shiluni kea?