JEREMIYA 2:15 - Sumi Naga CL (Re-edited) Bible (BSI)

¹⁵ Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

BAIBEL (BSI)

¹⁵ Panonguno abongushu toi pa shou ighapuku, panonguno pa yeghi pesu asayeqha shivetsu, pa phughiqoye ixapiniyi ani eno qhoyi qhivae.

JEREMIYA 2:15 Referans Kwoze

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

ISAIAH 5:29

Panongu ghügha ye abongshuu toie, tipaqo no igha no lhoxü tsüqhipe wuve kelo khunomu hakho mlave cheni.

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ZEFANIA 3:6

“I no shiyeqo ghitha pevae; pano ghukhe-aqo ye kütsavae; pano laghila ye kümsa shive no khunomu tipaqo lo püla movae; pano phughiqo ye pighive no milakhimu küghüna movae.

ZEFANIA 2:5

Nongu azüghimkü lo küami, Kherethmi shiye haküsapue! O Philistiami yeghi Canaan, Ampeu tsa no o lachile anie, xüküami kühave moke kutolo I no nongu kütsaleve nani.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

NAHUM 2:11

Abongshuu ki eno abongshuu lhotheqo loji chekeu-a khilave akea? Abongshuu atsü eno aqu no achekeu, khunomu patiqo pünaqhi mono acheke.

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.

AMUS 3:8

Abongshuu no igha kelo khuu no msa moni kea? Ampeu Alhou no piqhive ake khuu no tungkuptsa sheshu moveni kea?”

AMUS 3:4

Abongshuu ye tsüqhi kepu lhoxü küha kelo aghasü lo ighani keshea? Abongshuu lhothe ye kiumu tsüqhilu moaye pa ki lono ighani keshea?

HOSIYA 11:10

Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

EZEKEL 5:14

Tinguno alau I no nongu pesü küghüküghaleive tsü nani eno nongu homxape akeu shiyeqo ngo nongu hechewu kemi kümtsü zülo aphikümqhüpu shivetsü nani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 33:10

“Ampeu no ishi piani: A-a hipau khikhi nono, ‘Hi ye pighive no timi ngo tüghashi mu kühavae,’ ipi cheni keno, Judah phughi eno Jerusalem laghila pighive no timi na tüghashi mu tile xüni kemi kühave keu-a lono itaghi hipaqo chilu nani

JEREMIYA 26:9

No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

ISAIAH 24:1

Julo, Ampeu no ayeghi pükhülepe pighive tsü nani, eno ayeghi gi süchighipe tile akemi kuthole nani.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

ISAIAH 5:9

Aqokitikhi MPEU no tushoqhi keu I no chiluvae: “Mtsüqheino aki kuloghi eno jukivi ki kümtsü lo ngoni kemi kühano küghüve nani.

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

JOB 4:10

Abongshuu ghügha, ayiküsa bongshuu no ighakeu, abongshuu lhothew ahu kümtsü helavetsü cheni.

XAKUTHAMI 14:5

Tishino Samson no pa puaza sasü Timnah lo iqi chekelo atsailu lo ighi. Abongshuu lhothe lakhi no ighasü pa küdau ighi.

JEREMIYA 51:38

“Babylon no abongshuu toi, abongshuu tiqo toi igha nani.

EZEKEL 36:3

tighenguno tungkuptsa pilo, Ampeu Alhou no ishi piani: Kughengu mtsüqheino panongu no nongu pesü kütsaleve eno ako kümtsü lono nongu chisheqhi kehu nongu ye shiye kütami no lepuwuve, timi tsa kipipu eno kixikila shi xishi-jeku keu shive kehu,

ZEKHARIA 11:3

Ambekhemi no mloqa igha ani, kughengu pano jekipi ye kütsavae! Abongshuuqo no ighamku ani, kughengu Jordan lo aghasü ye kütsavae!

JEREMIYA 6:8

Kütü keu lulo, O Jerusalem, tikumo aye I no o launo tsüghüve nani, o küghape pighive no küghüna mokeu yeghi shive tsü nani.”

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 10:22

Asütsa lakhi ighi ani! Julo, ti ye cheni! Ahuu ghakhu lono Judah phughiqo kütsave tsüno aghalo tsü kungo-a shive tsünike akümsapu kije cheni.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.