JEREMIYA 19:15 - Sumi Naga CL (Re-edited) Bible (BSI)

¹⁵ “Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

BAIBEL (BSI)

¹⁵ Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 19:15 Referans Kwoze

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

JEREMIYA 17:23

Ikeghi panongu ye I tsa inimo eno pano kini kughopuwo moe, eno akükütsü tsa chilu eno ikhilu moniye kuthovi auve.

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 19:3

Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

JEREMIYA 22:21

Nono kinikülü shi akelono I no o pütsae, ikemu nono pi, ‘Ni ye inimoe.’ O lhothe lono no ye khilemu I tsa lumoe, hi no o laghi ke.

JEREMIYA 36:31

Panongu xine ghenguno I no pa eno pa tikughuko ngo pa qemiqo ghime nani. I no amhekiqi shupheve ketoi panongu shou eno Jerusalem ngo Judah lo timiqo shou süghi nani, ikemu panongu ye ini tsümo nani.’”

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 25:3

“Amon nu Judah kükau Josiah yepe mpe chighiaküthüu lono ishi kutolo ampe muku küthü shi akelono Ampeu tsa I lau ighi, eno ni ye tamo mithe nongu vilo pivae, ikemu nongu no inimoe.

JEREMIYA 25:4

Nongu ye Ampeu no tamo mithe Pa qemi tungkupmi nongu lau puwu akeghi nongu no inike kumono nongu kinimu kugho puwomoe,

JEREMIYA 25:7

Ikeghi, Ampeu no sheshu, nongu no I tsa inimoe, eno nongu kümla no I mlo shikighide tsüe.

JEREMIYA 25:8

“Tighenguno, aqokitikhi MPEU no ishi piani: Nongu no I tsa gholumo ke ghenguno,

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.