JEREMIYA 18:18 - Sumi Naga CL (Re-edited) Bible (BSI)

¹⁸ Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

BAIBEL (BSI)

¹⁸ Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 18:18 Referans Kwoze

LESHELE 52:2

No pishikiqhiu, o mili no aqe kütsügha toi kütsakungo kuchughu cheni.

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

LESHELE 21:11

Panongu no o shou alhoksa kuchughu namu pishikiqhi kuchughu aghi namu tokulu shimo nani.

JEREMIYA 43:2

tile Hoshaiah nu Azariah ngo Kareah nu Johanan eno kütami aqheküzashi akemi kümtsü no Jeremiah vilo pi, “No ye miki ani. Ampeu ni Lhou ye ishi pi peniye o puwu püamoe, ‘Egypt lo küghüna nike wu kevilo.’

AHOLE 18:21

Akithi eno aküxü ye amili küka shou ani, ti peitha chekemi no kivi-küsa kiqi lono axathi xochu nani.

LESHELE 64:3

panongu no azütakikihi toi pano mili chighi, panongu no apiji miji aketoi kukhukimji tsa mijipe ani,

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

ISAIAH 32:7

Amqükiniu ghengu ye, pa mqü ye alhoksae; pa ye kumlhomi no achipiu shi apülaghi akimki tsa pesü pa ghesüqhi niye kixikila mqü kuchughu cheni.

JOB 5:13

Pa no amqükinimi küghape pano lichhe lono meluve cheni, eno chighichilai kemi kukughu ke-i kishekhave tsü cheni.

KUKAMI ATUGHIU 22:24

Tileno Chenaanah nu Zedekiah no Micaiah lau ighi no pa gilo ghatsü no pi, “Ampeu Ghungu ye kishi I pheve no o pütsa ighi kea?”

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

ACHINE 10:11

eno Ampeu no Moses vecheo Israelmi tsükeu pimheye kümtsü pesü panoqo shikalo.”

John 9:40

Pa phivilo Phariseemi khami akeqo no hipau chilu no iniju, “Ningu ghi anhethi icheve akeshea?”

JEREMIYA 26:11

Tishino achinemi ngo tungkupmi no hiyampemi eno timiqo vilo pi, “Timi hipau ye pithive küzüe, kughengu nongu kini no chiluve ketoi pa no mishighüna hipau shou akumou tungkuptsa pike.”

Luke 11:45

Ayezah shikükami lakhi no pa vilo pi, “Shikükau, nono atsa hipaqo pikeu lo ninguu ghi thoghave ani.”

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

JEREMIYA 18:19

I tsa ini tsülo, O Ampeu; eno I külami sütsa inilo.

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 37:13

Pa no Benjamin Khagho lo ighi kelo Hananiah nu Shelemiah nu aghukheu Irijah no pa tsüqü luve no pi, “No ye hipa-a qhive no Chaldeami lau pocheae.”

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

YEKIKITHI AKINIU 24:21

Ikemu panongu no pa shou küsüqe, eno akükau zakütsü lono Ampeu ki khala lono atu pesü pa veqhive.

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 44:16

“Nono Ampeu je lono ni vilo kiu piani keno, ningu ye tipaqo inimoe.

AKUMLO 3:62

I ghümi mütsü eno akükümsü no atsala kupuju I lachile anie.

MICAH 3:6

Ikehu kungunhetsü kühano nongu ye zümoive nani, eno pichho keu kühano nongu lau aküzü ighive nani. Tungkupmi launo khetsünhe ilove nani, eno panoqo shou atsala no züchiyive nani;

MICAH 3:7

tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.