JEREMIYA 17:13 - Sumi Naga CL (Re-edited) Bible (BSI)

¹³ O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

BAIBEL (BSI)

¹³ AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 17:13 Referans Kwoze

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

ISAIAH 1:28

Ikemu hekibidemi ngo axinemi ye kümtsa kütsave nani, eno Ampeu pheve kemi ye pithive nani.

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

LESHELE 73:27

Kughengu O launo putosü lo akemi ye pühave nani; O pükhü kümlami kümtsü Nono kishekhave tsü nani.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

1 Tim. 1:1

Khristo Jisüw apostol Paul no, ni Xakuluu Alhou zakütsü eno niw lajupu Khristo Jisü vecheo,

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

EZEKEL 36:32

I no mla niye akeu ye nongu ghenguno ke kumoe pi ithilo, Ampeu Alhou no asheshu. O Israel kibolomi, nongu laghi ghenguno kujo eno ighü alo.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

JEREMIYA 17:17

I shithüghüi tsü kevilo; No ye I mhekiqi tsala lo I küghütshü-a ke.

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

AHOLE 14:14

Athiu idewove kemi ye pa kümla xathi xopipe nani, eno akivimi ghi pa kümla xathi xolu nani.

AHOLE 10:7

Amikuchomi no kümsükulu akeu ye kükümgha ke, ikemu kixikilami je ye pai hauve cheni.

LESHELE 97:7

Khunono panow ameküküha julhoqo pükhüpe qheza acheni keno ajulho mlla chekemi kümtsü akukujo lo süve nani; nongu alhouqo kümtsü no Ampeu mllalo!

LESHELE 22:4

Ni puasüqo no O shou pükhübe; panongu no O pükhü, eno Nono panoqo xaphelue.

LESHELE 71:5

Kughengu, O Ampeu, No ye Iw lajupu, I lhothe lono I no pükhü chekeu ke, O Ampeu.

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 50:7

Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

ZEKHARIA 9:12

Now sükusho-a lo ideighilo, O lajupu akeu kughumiqo; ishi no I no shuphe anike küghüsü no nongu tsüchileni.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

LESHELE 69:29

Ikemu ni ye aghime shi ani eno aküsü lo ani; O Alhou, Ow xakulu no qhemghai I süqhe tsülo!