JEREMIYA 16:4 - Sumi Naga CL (Re-edited) Bible (BSI)

⁴ Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

BAIBEL (BSI)

⁴ Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 16:4 Referans Kwoze

JEREMIYA 25:33

“Tipa ghuloki lo Ampeu no heqhive kemi ayeghi shekha lono ashekha kutolo pekishe wonani. Panongu kümsü qamo, kumqomo, momu akumo shiqhomo nani, panongu ye tübatüzü toi ayeghi lo anani.

LESHELE 83:10

panongu ye Endor lono kütsave ayeghi lo tübatüzü paphi shive.

JEREMIYA 9:22

Pilo, “Ampeu no ishi asheshu ani: ‘Asükumo no aluza lo amishiba toi ikiqi nani, ghilemi thiu aghijini toi nani, khunomu pano hekütsümo nani.’”

ZEFANIA 1:17

I no timiqo lau aghime süghini, tino panongu ye anhethi kighichemi toi chewu nani, kughengu panongu no Ampeu shou axine shike; panongu ji ye amkhu toi pele nani, eno akumo no tübatüzü toi nani.

JEREMIYA 34:20

I no panongu pesü pano ghümi eno pano küxü phuche kemi u lo süvetsü nani. Pano kithi kumo ye amülhü lo aghauqo eno ayeghi lo tüghashiqo chuqupu shinani.

JEREMIYA 7:33

Timi hipaqo kithi kumo ye aghau chuqupu shinani, eno ayeghi lo tüghashiqo chuqupu shinani, khunomu panongu kichi hapupomo nani.

ISAIAH 18:6

Tipaqo kümtsü naghuto lo ashikuchu ghau ngo tüghashiqo sala shive nani. Mütsü tusho lono aghau chuqupu, eno süsü lono tüghashi chuqupu shinani.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 36:30

Tighenguno Ampeu no Judah kükau Jehoiakim ghenguno ishi piani: David kükalakhü lo iqani kemi pa müzülo lakhimu kühave nani, pa sükumo ye khalau puchou akülü no pügha nani eno putho lo avütsa no ghaqhi nani.

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

LESHELE 78:64

Pano chinemi ghi azütakikihi lono ikiqive, eno chimemi no mloqa moe.

KUKAMI AKINIU 9:10

Eno Jezebel ye khunomu kumo shiqhomo no Jezreel ghakhu lono atsüqo no chuve nani.” Hipaqo pive no pa ye ahukikha khaqhi no pove.

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

ZAKINIU 28:26

Nongu no thive kelo asükumo ye aghau ngo tüghashiqo no chuve nani eno tipaqo shikümsa no hapuponi kemi kühave nani.

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

AKUMLO 4:9

Ghüyi lono wove kemiu no aluza lo axathi küküha vecheo akhüava no chuxuqhi thive kemi nguno angukiviue.

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

ZAKINIU 28:22

Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

JEREMIYA 21:6

I no mishighüna hipau lo küxümi, timi eno tüghashi kütsale nani. Panongu ye püsa kije lono thive nani.