JEREMIYA 14:3 - Sumi Naga CL (Re-edited) Bible (BSI)

³ Liw ghenimi no aqemi hape azü phuwu; panongu no azü tughuko lo ighi; ikemu azü phumlae; pano zübohu kümsa pechile ighi; panongu ye akukujo no akümza qhiyive eno pano kütsü nhaluve.

BAIBEL (BSI)

³ Kinimino panoqemi hapesu azu phuwupe; tipaqono azu tughukolo wu kemu azu phumlae; tipaqoye pano yeghili kumsa pesu idechile ighi. Amlo hauve eno avehu kughuzu shiveno panoqo gi kusuluve.

JEREMIYA 14:3 Referans Kwoze

SAMUEL AKINIU 15:30

Ikemu David ye apukhu kümsa, akütsü küzüluve no mloqasü Olive Toghi lo iqhove. Eno timi khunoqo pa gholo akeno panongu ghi akütsü küzüluve no mloqasü iqhove.

LESHELE 40:14

Khunono I küxü pühave tsüniye phucheni keno akukujo lo ilove no aghüthisüve pelo; khunono I ghüza nike azüküvüshi acheni keno, pano hachileve no akukujopu lo ilove pelo.

KUKAMI AKINIU 18:31

Hezekiah tsa ini kevilo, kughengu Assyria kükau no ishi piani: ‘Nongu ye I sasü külashi luve lo eno I lau ighi lo. Tishi aye nongu no pütüta tsaibo eno mububo lono chulu nani, eno pütüta zükhe lono azü yelu nani.

AMUS 4:8

ikehu aphughi kini küthü lo küami no azü yenike aphughi lakhiu lo wu kemu aghapiqi lumoe; ikeghi nongu ye I lau ideighi moe,” ipi Ampeu no pi.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JOYIL 1:20

Aluza lo tüghashiqo ghi O khekulho shi ani kughengu aghokitiqo lo azü hailovae, eno ami no yenguyike-a lo achu kümza-aqo pitive tsüa ke.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 14:4

Ayeghi shou ghuqhi tsümove kehu tino ikoghegheive, alukichimi no kujove eno pano kütsü nhaluve.

LESHELE 109:29

I ngukube akeqo pelo akukujo pepuve pelo; pano kukujopu no hebephi pepu akeshi pano küzüluve pelo!

JOB 6:20

Panongu no amlo kumto shi akehu itehi ye kujovae; tilehi ighi no alomtshüvae.

ESTHER 6:12

Tithiu Mordecai ye akükau khagho lo ideighive. Ikemu Haman ye pa kütsü küzüluve no amloksa shi pa ki lo mtazü wove.

KUKAMI ATUGHIU 17:7

Ado hami thiu aghakhu lo tsüghu move kehu aghoki no qhaive.

SAMUEL AKINIU 19:4

Akükau no pa gi nhave no asütsa kuloghi lono qa, “O I nu, Absalom, O Absalom, I nu, I nu!”

JEREMIYA 2:37

Hipau lo ghi no ye o u no o kütsü nhape wu nani, kughengu nono pükhübe akeu ye Ampeu no kilevae, eno no ye pano vecheo ikoishe lumo nani.

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JEREMIYA 15:18

Kushiye I küsü ye tavemo, I zaku ye zaghi eno shipivi mla kea? No ye kushiye pishikiqhi ghokiti, tuqu lo züha ghoki toi kea?

AKUMLO 4:4

Atüghü ghenguno anga kughunu mili ye ataha lo meda luvae; anuliqo no achuqupu khu kemu khunomu panongu tsümoe.

HOSIYA 2:3

tikumo aye I no li phimini xave tsüno li punu tsala lo toi aphikümsa shive tsüni, li pesü yenguyike-a toive tsüni, eno li pesü qhaike yeghi toive tsüno atüghü lono li pithiveni.

ZEKHARIA 14:17

Ayeghi lo khuno shiaye no Jerusalem lo Akükau, aqokitikhi Mpeu mllani ke ighi moni keno, pano lau tsütsüghu ighi move nani.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;