JEREMIYA 12:4 - Sumi Naga CL (Re-edited) Bible (BSI)

⁴ Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

BAIBEL (BSI)

⁴ Niyeghiye ado khitotohi qhai anani kya? eno aluza kumtsulo khitotohi thizummuyi anani kya? Lhoxu ngo aghauqoye thi ayeake, tiye ni-timiqono kixikila ke ghenguno, “Ninguno kiu shiani keno Alhou ye ithulu achemoe,” ipi pichekemi timiqoke.

JEREMIYA 12:4 Referans Kwoze

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 4:25

I no jukelo timi khumu kühae, eno aghauqo kümtsü yeuve.

LESHELE 107:34

aghüma yeghi pesü amti yeghi shive tsü, tipau lo küghüna akeqo lhoksa ghenguno ke.

Rommi 8:22

Kughengu ningu no ithi anino itehi kutolo pulhoküsü kümtsü no apunu küsü lo toi iju igha akhani.

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

HABAKUK 3:17

Mububo no pumove namu, atsaibo lo axathi kühave namu, olivebo no pithi move na, aluza lo achuqupu ipeghi move namu, ambeloji no aqo gholono kühave, amishi kilo lhoxü kühave namu,

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

JEREMIYA 14:2

“Judah no mlo ani, eno li khaghoqo no qhaighoivae; timiqo no ayeghi lo ihi mloqa, Jerusalem no ighamku ani.

JEREMIYA 5:13

Tungkupmi ye alolo atsa kühake amülhü ilhouve nani. Titoi panongu lau shive nani!’”

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

JEREMIYA 12:11

Panongu no pighive tsüae; küghüküghai tino I lau mlo ani. Ayeghi kuchopu yenguyivae, ikemu khunomu amlo ighimoe.

JOYIL 1:18

Tüghashiqo no kishi aküsü ghügha shi ani kelae! Amishi loji no avehu izüvae kughengu panoqo ghenguno achu kümza-a kühavae; ambe lojiqou ghi ime auvae.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

ISAIAH 24:4

Ayeghi no mloqa eno ighüivae; ayeghiqha no itamjui hailo cheae; akiqheu-a lo küami no iju ani.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

JEREMIYA 9:9

Hi ghenguno Ni ye panongu ghime moni keo? Shiye hitoi keu shou amkhü lumoni keshea? ipi Ampeu no sheshu.