JEREMIYA 11:20 - Sumi Naga CL (Re-edited) Bible (BSI)

²⁰ Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

BAIBEL (BSI)

²⁰ Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 11:20 Referans Kwoze

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 15:15

O Ampeu, Nono ithi ani; I kümsülu eno I xuju tsülo, I ghime akemi lau I mkhü lutsülo. Nono aghümi lau kutuu anipi I pelo thivepe kevilo; O ghenguno I thaigha akeu ithi tsülo.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

LESHELE 57:1

I kimiyeqhiyi tsülo, O Alhou, I kimiyeqhiyi tsülo, kughengu I ngulho no No ije cheni; kütsakungo keu pasapagha no katha wuve moke kutolo O chishibo qholo I no ijeluni.

LESHELE 43:1

I chipiu she petsülo, O Alhou, Alhou kümthami lachile no I tsakükügha lo I süsho tsülo, pishikiqhimi eno achipikumo shiche kemi launo I xalulo!

LESHELE 35:2

Azüto eno aghünanu ikhilu lo eno kuphu kepushi ithughi lo!

JOB 5:8

I müzülo ni ye Alhou phu nani, eno I kumchho pesü Alhou lau kulhuqhi tsü nani.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

SAMUEL ATUGHIU 24:15

Tighenguno Ampeu no nikujo dolo xathatsü peni, eno I saphu tsüno o u lono I xaphetsü peni.”

LESHELE 7:8

Ampeu no ashiayeqo shou xatha cheni; O Ampeu, I mikucho kiqi lono, eno I lolo akikhi akeu kiqi lono I shou küghatha lo.

LESHELE 58:10

Kughou amkhükulu ithulu keno amikuchomi no alovi nani; pa no kixikilami ji pelekeu lono apukhu qhu nani.

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

JEREMIYA 12:3

Ikemu O Ampeu, Nono ni ithi ani; ni ithulu eno I mlo peju cheni. Ambe ghiqhi niye aketoi panoqo sünhephe luvelo, eno ghikiqhi tsala ghenguno ikhithape qhivelo.

EZEKEL 11:5

Ampeu Ghungu no I shou ikughive, eno Pa no I vilo pi, “Ampeu no ishi piani pilo: Israel laghami, nongu no kümsüju lo. Kughengu nongu kükümsü lo iloghi akeu thimeqo I no ithi ani.

KUKAMI AKINIU 19:14

Hezekiah no atsapemi u lono yesü ikhipe phive; eno pa ye Ampeu kilo ikuno yesü tipau pesü Ampeu zülo lhaphepe qhive.

LESHELE 7:10

I züto ye Alhou gholo ani, Pa no amlo lo müzüchoi kemi xalu cheni.

AKUMLO 3:58

“O Ampeu, Nono I she petsü eno I küxü qhüchilelue.

AKUMLO 3:59

I lau akumou shikeu Nono ithuluvae, O Ampeu; I she pe ghi küghatha tsülo.

AKUMLO 3:64

“Pano kümla kiqi lono Nono pano lochile nani, O Ampeu.