JEREMIYA 10:15 - Sumi Naga CL (Re-edited) Bible (BSI)

¹⁵ Tipaqo ye ame küha, atichepu; aghime ghuloki lo pühave nani.

BAIBEL (BSI)

¹⁵ Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 10:15 Referans Kwoze

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

ISAIAH 41:24

Julo, nongu ye kiumu kumoe, eno nongu kümla ye kümsa ke; khuu no nongu kishe keno pa ye aphikümqhüpue.

JEREMIYA 51:18

Tipaqo ye ame küha eno atichepu kümlae; pano ghimeke ghuloki lo panongu ye pühave nani.

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

JONAH 2:8

Khunono adou julho gihu cheni keno pano ye iqemokeu kikimiye lajupu phevae.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

ISAIAH 41:29

Julo, panongu kümtsü adoue; pano kümlaqo ye kiumu kumoe, pano julhoqo ye amülhü kümsae.

SAMUEL ATUGHIU 12:21

Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

SAMUEL ATUGHIU 5:4

Ikemu tishiwo thoghiu inaqhe kughou panongu no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi, eno Dagon kütsü ngo au kinikujo akulaghi lo ita kütüta shive no aghi. Aphimpi likhi pa alo aghive.

LESHELE 115:9

O Israel, Ampeu pükhülo! Pa ye panoqo kukuphuu eno panoqo züto ke.

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

JEREMIYA 43:12

I no Egypt lhouqo chineki lo ami süvetsü nani, Babylon kükau no pano lhouqo pitive tsüno tipaqo pewuve nani. Ambekheu no pa phimini lo axü shikimthe keshi pa no Egypt yeghi shikimtheve no iqüghai cheve nani.

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’