James 3:6 - Sumi Naga CL (Re-edited) Bible (BSI)

⁶ Amili ye ami toi, ni phimpi lo achipikumo yeghiqha hutoi ke. Tino aphimpi kuchopu shipüsave tsüno amiyizü mi pesü aküxü kupuju lo pitiqhi cheni

BAIBEL (BSI)

⁶ Amiliye ami lakhi toike. Amiliye niphimpi gholo achipikumo keu yeghiqha lakhike eno aphimpi kuchopu shipsa vetsu cheni. Amiyizu lono ighikeumi pesu nilhoaye kupujulo ami suvetsu cheni.

Sümi Tiqhelimi Bible

⁶ Amili ghí ami lakhi ke, amili ye aphimpi dolo küsakügha yeghiqha lakhi ke. Amili no aphimpi kuchopu shikuchubeve cheni ke, timi lakhi küxü kupuju lo ami sǘvetsü cheni, eno amili ghí amiyizü mi no pitive cheni ke.

James 3:6 Referans Kwoze

AHOLE 16:27

Amekükühami no alhoksa kuchughu acheni, eno pa tsapi ye ami no pitipüzaqhi akeshie.

Mark 7:15

Ashou no timi phi alou ilo keu ye kiumu shikuchhube chemoe, ikemu timi lolo no ipeghi keu no shikuchhube cheni.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

Luke 16:24

Pa no ighamku, ‘Apu Abraham, I kimiyekütü tsülo, ni ye ami no piti keu ghime puqhemla no anike Lazarus puwu no pa uloti no azü lo chosü püzü I mili dikumko tsü pelo.’

AHOLE 6:19

atuthukishe kümtsü alatsa piqhi chekeu kichile thopiu, eno shompami dolo aküküpna xusü chekemi.

LESHELE 140:3

Apighi toi panongu mili ye tsüghaminhei ke, eno pano kichi ye tuopighi tüghü toike.

LESHELE 64:3

panongu no azütakikihi toi pano mili chighi, panongu no apiji miji aketoi kukhukimji tsa mijipe ani,

3 John 1:10

Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.

James 2:7

Le panoqou no aje kivi khikhi nongu tsü keno, tipau thaigha chenike kumo keshea?

Apostolmi 6:13

Panongu no kichile thopimi saghi no ishi pipe, “Timi hipau ye khilemu akimthe-a hipau ngo Ayezah pipütha tave chemoe,

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

MATTHEW 12:24

Ikemu kughou Phariseemi no ti chilu keno, panongu no pi, “Timi hipau no tüghami haphelu akeu ye tüghami yepetou Beelzebul vecheo likhino ke.”

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

SAMUEL AKINIU 19:43

Israelmi no Judahmi khochile, “Ningu ye akükau lau asaje chighi ani, ikehu pa lau ghi ningu ye nongu nguno akichiu saje ani. Tishiaye kushiye nongu ye ningu jukünatha ania? Akükau sachile ighini keu tsa ye ningu paghino pike kumo?” Ikemu Judahmi tsa huno Israelmi tsa nguno ayiküsau shive.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 18:23

akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

JEREMIYA 28:16

Tighenguno Ampeu no ishi piani: ‘Julo, I no ayeghi lono no ikhive nani. No ye hipa mpe lono thive nani, kughengu no ye Ampeu hekibide tsa pivae.’”

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

ISAIAH 30:27

Julo, Ampeu ye axukighide no amchhi phochighi ghi cheni; aloghu no Pa kichi chhitoi eno Pa mili no pitimaha keu mi toi ani;

AKIKIHI 31:16

Julo, hipaqo no Peor lo Balaam mijekütsü lono Israelmi pelo Ampeu lau pükhükümla shipe keu lono AMPEUw timiqo shou püsa ighike.

YEKIKITHI AKINIU 13:17

Abijah ngo paw ghüshimi no akumto kije lono panongu pithive, ikehu Israel ghüshimi kishekiphe pano lakh pungu thive.

SAMUEL AKINIU 16:20

Tileno Absalom no Ahithophel vilo pi, “O kükümsü tsülo. Ningu ye kiu shikepu kea?”

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

ACHINE 24:11

Timi huno Alhou Je pipütha no ghushove kehu panongu no Moses lau saghi. Pa za ye Dan shiaye lo Dibri nonga Shelomith.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

AHOLE 7:5

hi shikeu lono no ye küsalhami eno ghaghulimi tsapi kümtsha lono putosülu nani.

ISAIAH 50:11

Julo, nongu khunono kütami kütsave niye kuchughu, eno kütami ghüza nike akuluqhe küiqü cheni keno, nongu no pechekeu mi küvü eno akulu küqükeu küvü lono chewulo! Nongu ye I u lono küsakusho hi sholu nani, eno aghime lono nongu pepüzüve nani.

James 3:7

Tüghashi, aghau, itikiche, azü lo lhoxü kümtsü chhiküghüvü luve nani, eno timi no chhiküghüvü luvae,