James 3:5 - Sumi Naga CL (Re-edited) Bible (BSI)

⁵ Titoi amili ye aphimpi lo saje aghulo, ikeghi tino aqheküza tsa kije picheni. Ami kitila no kishi aghasü kije pitive cheni keno kümsü julo!

BAIBEL (BSI)

⁵ Titoi amiliye aphimpilo aghulo lakhi kemu aqhekuzatsa kije picheni. Ami kuyiqu kitila lakhino kishi aghasa kije pitive cheni keno kumsujulo!

Sümi Tiqhelimi Bible

⁵ Titoi, amili ye aphimpi lo thime aghulo lakhi ke, ikemu tiye ighono aqheküza shi cheni. Ami kiyiqü kitila lakhi no aghasü kijè pitive chekeu kümsüjulo.

James 3:5 Referans Kwoze

AHOLE 18:21

Akithi eno aküxü ye amili küka shou ani, ti peitha chekemi no kivi-küsa kiqi lono axathi xochu nani.

AHOLE 12:18

Chokilhemi tsapi ye azütakikihi pesü chuxuqhi keshi, ikemu alokütsümi mili no shipivilu cheni.

AHOLE 15:2

Alokütsümi mili no akighithi she petsü cheni, ikemu mbomzümi kichi lono aghüzü tsa puqule cheni.

LESHELE 17:10

Panongu ye kikimiye lono pano mlo khathavae; pano kichi lono panongu no aqheküza shi picheni.

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

JOB 22:17

Panongu no Alhou vilo picheni, ‘Ni launo chevelo,’ eno ‘Akughushuu no ningu lau kiu shiluni kea?’

IPEKULU 15:9

Aghümi no pi, ‘I no hawuni, I no züthaveni, I no hakhokulu kijeveni, I no kümsü akeqo luveni. I no I zütakikihi süjopheni; I u no panoqo kütsaveni.’

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

IPEKULU 5:2

Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.”

LESHELE 39:1

I no pi, “Ni ye I laghi jukutoni, tishiaye I mili pesü axine shimo nani; kixikilami no I zülo ake tivilo ni ye I kichi kujukha luveni.”

AHOLE 26:20

Asü küha aye ami hailove cheke toi xikishimi kühave aye mtomshu keu ghi tave cheni.

James 3:4

Zükiluqo ghi julo: tipaqo ye akuloghi eno amülhü kumto no fusawu cheni kemu tipa sakicheu no helisa aghulo pesü khila khilamu pa pulou lono satsüghüsü wucheni.