James 3:17 - Sumi Naga CL (Re-edited) Bible (BSI)

¹⁷ Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

BAIBEL (BSI)

¹⁷ Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Sümi Tiqhelimi Bible

¹⁷ Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

James 3:17 Referans Kwoze

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

James 3:15

Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

1 John 3:18

Atianuliqo, ningu atsapi lo likhino shimoni, ikemu akümla eno kuchou lono kikimiye piyeni nolo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

MATTHEW 5:8

“Amlo tsüghükhüi kemi kümghapue, kughengu panongu no Alhou ithulu nani.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Luke 6:36

Nongu Papu no kimiyekini no chhitoi ketoi nongu ghi kimiyeqhiyi lo.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

2 Tim. 2:24

Ampeu qemi ye mtomshu kepu kumoe, ikemu kümtsü lau kikimiye piye kepu, shikükami shilu masa, kheakulu shimasa,

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

James 2:4

nongu ye nongu dolo kotha letha keu süghi ani eno tishikeu lono alhoksa kükümsü xapu kemi küghaküthami shive anike kumo?

IBRIMI 12:11

Sakiyi qoputhu keu tüqhüdo loye alovike kumono aghime shi cheni, ikemu khunono aghimeshi qoputhu luveni keno tipaqo ye iqüghai keu mikucho xathi pithilu cheni.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

YEKIKITHI ATUGHIU 22:12

Kütau nguno alau, Ampeu no alokütsü ngo vethakulu pesü o kümghatsü peni, tishianguno kughou nono Israel yepeu shini keno, o pelo Ampeu o Lhou yezah pelu penie.

1 Kor. 12:8

Kughengu milakhi lau Aghungu vecheo alokütsü tsa pikulupu tsü püani, eno lakhiu lau Aghungu tipau no akighithi tsa pikulupu tsü püani,

JOB 28:23

“Alhou likhino tipau la ithikuthulu eno tipau-a ithi ani.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

Apostolmi 11:24

kughengu pa ye timi kivimi, Aghungu Kimthe eno aküpülü no chhitoi kemie. Eno timi kutomo no Ampeu lau ighi luve.

MATTHEW 23:28

Tihutoi nongu ghi ashou ye kümtsü lau amikuchomi toi, ikemu nongu lolo ye kühakügha ngo kixikila no chhitoi ani.

1 Thes. 2:7

Ikemu aza lakhi no atianuli lamlu ketoi ningu no nongu lau mtshaivü piyeke.

FILIPIAMI 4:8

Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

MALAKI 2:9

ikehu nongu no I laghi papemo eno nongu kükütsütsa lo agiju keu qhemi I no nongu pesü timi kümtsü zülono thaigha eno jukuloti peke.”

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

IPEKULU 36:2

Bezalel ngo Oholiab eno atshamgha shikithimi khunoqo mlo lo Ampeu no akümla shikithi süvetsü, eno amlo lo alokümsü akeu ghenguno akümla shiniye iqhoghi keno, Moses no panoqo ku.

Titus 3:2

Khuu vilomu atsa lhoksa pipe kevi, mtomshu pekevi, ikemu kümtsü lau mtshaivü no akhuaye kivi piye pelo.

Titus 1:15

Tsüghükhüi kemi ghengu ye thokha mqhamqhi ke, ikemu kitiqeve kemi eno pülümokemi ye kiumu mqhamqhi moe, pano kükümsü ngo kiviküsa lotsü ye kitiqevae.

Rommi 12:18

Toluke thaqhü, o müzülou ye timi kümtsü sasü külakishi lono xülo.

ISAIAH 32:6

Kughengu mbomzümi ye anikha tsa picheni, pa ye Ampeu shou akumou pi-shiniye eno chuqu-kusho pesü müzü tüghü akemi ghapiqi tsümo niye pa mlo no akimighi shi axine kuchughu acheni.

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 9:10

Khuu no apiti pesü apiti kiveu tsü eno asho pesü achuqupu shitsü keno, Pa no xusü kepu piti tsüno kughukotsü nani eno nongu mikucho ghile küghüsü tsü nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

JOB 28:12

“Ikemu alokütsü ye khileno phulu nani kea? Vethakulu-a ye khile ani kea?

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

2 Kor. 6:6

akimthe, akighithi, kutuukulu, kimiyekini, Aghungu Kimthe, kuchou kikimiye lono

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

1 Peter 2:18

Aqemiqo, nongu mpemi, kivimi eno akümtshami lau likhi kumono ayiküsami lau ghi, sükümsa shi qhoqhülo.