James 2:5 - Sumi Naga CL (Re-edited) Bible (BSI)

⁵ I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

BAIBEL (BSI)

⁵ Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

Sümi Tiqhelimi Bible

⁵ I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

James 2:5 Referans Kwoze

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

Luke 12:21

Hi paphi lono khuu no pa ampi ghenguno akini pekütsüni keno Alhou küdau pa ye kinimi kumoe.”

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

James 1:9

Akumlhou athiküzüu ye pa sünheqhe keu lo akijivile masae,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

2 Kor. 6:10

amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

Luke 16:25

Ikemu Abraham no pi, ‘Anu, o küxü tivilo no ye thime kivi pesü ow shilue, titoi Lazarus ye alhoksa likhi ithulu kepi kümsü luniwa; ikemu itehi pa ye hilau alokughunopu ithulu ani, eno nou no aghime lo ani.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

2 Thes. 1:5

Hi kümtsü Alhouw küghakütha ye achipi kepi mtsüqhei shitsü ani, tishianguno nongu no Alhou yekipe ghenguno ime akeu lo tile ilolu peniye ke.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

ZEKHARIA 11:7

Tighenguno ambe küqhümi no ambeloji ghiqhini ye akeqo lau I no akheu shiluve. Eno I no aküsü kini ikhiluve, lakhi je no Qhuivülai keu kuvetsü eno lakhiu je no Küqhakulu kuvetsü. Eno I no ambe jukuto luve.

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

JOB 34:10

“Ikehu nongu amlokütsümi, I tsa inilo: Alhou no kixikila kümla shinie pikeu ye alatsae, eno Akughushuu ye khilemu küqüni chemoe.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

James 1:16

I qhuu athiküzümiqo, nongu pishiqhivepe kevilo.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

John 7:48

Sakiphemi ngo Phariseemi lakhi nomu pa pülüve akeshea?

Luke 22:29

ikehu I Pu no ayekipeqha I tsüke toi I no nongu tsü ani.

Mark 7:14

Jisü no itaghi aqokitikhi pa lau kukütsü no pi, “Nongu kümtsü I tsa inilo eno vethalu lo:

ZEKHARIA 11:11

Ikehu puloshoqhi ye tipa tsala lono hexave, eno ambe küqhümi, khunoqo I ju akeno, tipaqo no hi ye Ampeu tsa kepi ithive.

ZEFANIA 3:12

Ikemu I no nongu gholo akümtshami eno aqhokighemi qhitsü nani. Panongu no Ampeu jelono aküghütshü-a phu nani,

AHOLE 8:32

“Ikehu I tsa inilo, O anuliqo: khunono I laghi lo checheni keno tipano kümghapue.

AHOLE 7:24

Ikehu anuliqo, itehi I tsa inilo, eno I tsa lo amlo tsüqhiyi shilo.

JOB 38:14

Kughou no vüipeghini keno ayeghi kogheküghü no aghani lo amchipu chishida ketoi ato-akutho piye cheni.

KUKAMI ATUGHIU 22:28

Micaiah no pi, “Nono akivishi ideighilu aye, Ampeu ye I pütsa püamoe.” Eno pa no pi, “Nongu kümtsü hi inilo!”

Apostolmi 7:2

Stephen no pi, “Athiküzümi eno apunoqo, I tsa inilo. Ni sü Abraham no Haran lo xüsü mphi züu Mesopotamia lo akelono, ajuküvü Lhou no pa lau ipeghi,

XAKUTHAMI 9:7

Kughou Jotham no ti chilu keno, pa no Gerizim Toghi lo iqho no ighamku sheshu, “Nongu Shechem lo sakiphemi, Alhou no nongu sütsa initsü penike I sütsa inilo.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

AHOLE 13:7

Khami ye kiumu kühamu kinimi ghili shicheni, khami ye kumlhomi ghilishi anamu küakini kütsasa acheni.

James 1:19

I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,